ْپنجاب حکومت تعلیم کے شعبہ میں بہتری کیلئے ترجیحی بنیادوں پر کام کررہی ہے، رانا مشہوداحمد

منگل 13 دسمبر 2016 21:41

لاہور(اُردو پوائنٹ اخبارتازہ ترین - آن لائن۔ 13 دسمبر2016ء) وزیر اعلیٰ پنجاب محمد شہباز شریف کی سربراہی میں پنجاب حکومت تعلیم کے شعبہ میں بہتری کیلئے ترجیحی بنیادوں پر کام کررہی ہے،پنجاب بھر میں میرٹ پر ایجو کیٹرز کی بھرتی اسی سلسلے کی ایک کڑی ہے ۔یہ بات صوبائی وزیر تعلیم رانا مشہوداحمد خاں نے ماہرین تعلیم کے وفد سے ملاقات کے دوران کہی ۔

انہوں نے کہا کہ صوبہ بھر میں اساتذہ کی نئی بھرتیوں کی منظوری وزیر اعلیٰ پنجاب شہباز شریف کا انقلابی اقدام ہے اس سے شرح خواندگی میں اضافہ ہوگا ۔ٹرینی ٹیچرز کے لیے نئے ہوسٹل کا قیام شعبہ تعلیم کی ترقی کے لیے پنجاب حکومت کی سنجیدہ کاوشوں کا منہ بولتا ثبوت ہے۔

(جاری ہے)

انہوں نے کہا کہ پچھلے مرحلہ میں بھرتی ہونے والے ایجوکیٹرز کی محنت اور لگن سے سرکاری سکولوں کے نتائج میں بہتری آئی ہے جس سے تبدیلی کے سفر کا آغاز ہوگیا ہے ، انہوں نے کہا کہ 1997سے قبل امیر لوگوںکے بچے پوزیشن لیا کرتے تھے آج معیاری تعلیم اور میرٹ پر بھرتی ہونے والے ایجوکیٹرز کی صلاحیتوں کی بدولت غریبوں کے بچے پوزیشنز لے رہے ہیں، بوٹی مافیا کا خاتمہ ہو چکا ہے، تعلیم کے شعبہ سے سیاسی عمل دخل ختم کر دیا گیا ہے، اساتذہ کی بھرتی سے سیاسی کوٹہ ختم کردیا گیا ہے، انہوں نے کہا کہ ایجوکیٹرز کو چاہیے کہ وہ اپنی تعلیم کا سلسلہ جاری رکھیں تاکہ نئے نئے علوم اورجدید ٹیکنالوجی سے باخبر رہیں تا کہ ان کے زیر سایہ تعلیم حاصل کرنے والے بچے بھی جدید علوم سے مستفید ہوتے رہیں۔

Facebook Twitter Google + Share on Whatsapp

ْپنجاب حکومت تعلیم کے شعبہ میں بہتری کیلئے ترجیحی بنیادوں پر کام کررہی ہے، رانا مشہوداحمد

متعلقہ عنوان :

مزید قومی خبریں