ڈائیوو کمپنی نے شالیمار ایکسپریس چلانے کیلئے ریلوے سے بڈنگ ڈاکومنٹس حاصل کر لیے

منگل 13 دسمبر 2016 20:16

لاہور۔13 دسمبر(اُردو پوائنٹ اخبارتازہ ترین - اے پی پی۔ 13 دسمبر2016ء) پاکستان ریلویز پر اعتماد کا اظہار کرتے ہوئے معیاری سفری سہولتیں فراہم کرنے والی کمپنی ’’ڈائیوو‘‘ نے ٹرین چلانے میں دلچسپی ظاہر کر دی۔ ڈائیوو کمپنی نے شالیمار ایکسپریس چلانے کیلئے ریلوے سے بڈنگ ڈاکومنٹس حاصل کر لیے ہیں۔

(جاری ہے)

واضح رہے کہ شالیمار ایکسپریس لاہور سے براستہ فیصل آباد کراچی کے لئے چلائی جاتی ہے۔ اس طرح ریلویز نے شالیمار ایکسپریس کے ساتھ ساتھ خوشحال خان خٹک ایکسپریس اور بولان میل کو بھی آئوٹ سورس کرنے کا فیصلہ کیا ہے۔ بڈنگ ڈاکومنٹس 20دسمبر کو اوپن کئے جائیں گے۔ تمام فیصلے ادارے کے بہترین مفاد میں سو فیصد میرٹ پر کئے جائیں گے۔