ملتان سے کراچی جانے والے پی آئی اے کے طیار ے کے انجن میں ٹیک آف سے قبل آگ لگ گئی

مسافروںکو بحفاظت نکال لیا گیا ، فائر برگیڈ کے عملے نے موقع پر پہنچ کر انجن میں لگی آگ بجھادی

اتوار 11 دسمبر 2016 22:30

ملتان(اُردو پوائنٹ اخبارتازہ ترین - آئی این پی۔ 11 دسمبر2016ء) ملتان سے کراچی جانے والی پی آئی اے کی پرواز پی کے 581 کے انجن میں ٹیک آف سے قبل آگ لگ گئی ،مسافروںکو بحفاظت نکال لیا گیا ، فائر برگیڈ کے عملے نے موقع پر پہنچ کر انجن میں لگی آگ بجھادی ۔

(جاری ہے)

اتوار کو ایئرپورٹ ذرائع کے مطابق پی آئی اے کے ملتان سے کراچی جانے والے اے ٹی آر 42طیارے پرواز پی کے 581کے انجن میں آگ لگ گئی جس کے بعد جہاز کو رن وے پر ہی روک دیا گیا ۔

ذرائع کے مطابق اے ٹی آر طیارے کو سٹارٹ کرتے ہی انجن میں آگ لگ گئی ، فلائیٹ میں تمام مسافر محفوط رہے ۔بعد ازاں فائر برگیڈ کے عملے نے موقع پر پہنچ کر انجن میں لگی آگ بجھادی۔واضح رہے کہ اس سے قبل 7دسمبر کو بھی اے ٹی آی42طیارے کا ایک انجن ناکارہ ہونے پر ہونے والے حادثے میں عملے سمیت 48افراد جاں بحق ہو گئے تھے ۔ (ار)