مصری حکام نے 10ہزار گدھے چین برآمد کرنے کی اجازت دے دی

جامعہ الازہر کے فتوے کے تحت گدھوں کو ذبح نہیں کیا جائے گا ،ڈاکٹر ابراہیم محروس

اتوار 11 دسمبر 2016 16:30

قاہرہ (اُردو پوائنٹ اخبارتازہ ترین - آئی این پی۔ 11 دسمبر2016ء) مصری حکام نے 10ہزار گدھے چین برآمد کرنے کی اجازت دے دی ہے۔ اس کے علاوہ کتوں کی کوریا کو برآمد کی بھی منظوری دی جانے والی ہے۔مصری وزارت زراعت کے زیر انتظام جنرل اتھارتی فار ویٹرینری سروسز کے سربراہ ڈاکٹر ابراہیم محروس کے مطابق طے پائے جانے والے معاہدے کے تحت چین کو گدھے برآمد کیے جانے کی منظوری دی گئی ہے۔

(جاری ہے)

محروس نے مزید بتایا کہ گدھوں کی برآمد میں الازہر کے فتوے کی پاسداری کی جائے گی جس کے تحت گدھوں کو ذبح نہیں کیا جائے گا بالخصوص جب کہ چین کو گدھوں کا گوشت نہیں بلکہ صرف کھالیں چاہئیں۔دوسری جانب کوریا کی ایک کمپنی نے مصر سے کتوں کو درآمد کرنے کی پیش کش کی ہے اور اب حکام سے اس کی منظوری کے لیے بات چیت جاری ہے۔ اس پیش کش کا مقصد آوارہ کتوں کے پھیلاؤ پر روک لگانا ہے۔ جانوروں کے امور سے متعلق سوسائٹیوں نے ان کتوں کو سٹرکنین زہر کے ذریعے ہلاک کرنے سے انکار کر دیا تھا۔