قبریں فروخت کرنے والا ایک اور گورکن کو گرفتار

ایک سال میں ہزار سے زائد مردے نکالے، گرفتار گورکن نعیم عرف کلوکا اعتراف

اتوار 11 دسمبر 2016 14:40

کراچی(اُردو پوائنٹ اخبارتازہ ترین - این این آئی۔ 11 دسمبر2016ء) شہر قائد میں قبریں فروخت کرنے والا ایک اور گورکن کو گرفتار کرلیا گیاہے۔تفصیلات کے مطابق شہر قائد میں انسانوں کے بعد اب مردے بھی محفوظ نہیں، گورکنوں کا مردے نکال کر قبریں فروخت کرنے کاگورکھ دھندا جاری ہے ۔ پولیس نے ایک اور گورکن نعیم عرف کلو کو گرفتار کرلیا جو یاسین آباد قبرستان میں قبریں فروخت کرتا تھا۔

(جاری ہے)

پولیس کا کہنا ہے کہ قبروں کی خرید و فروخت کرنے گروہ کا سرغنہ کے ایم سی کا ملازم ہے، نعیم عرف کلو نے بتایا کہ گروہ کے سرغنہ جس قبر کو او کے کرتے تھے اس کو کھودا جاتا تھا۔ملزم نے اعتراف کیا ہے کہ ایک سال میں ہزار سے زیادہ قبریں کھودیں، قبر سے مردوں کی ہڈیوں کی باقیات جمع کر کے ایک ایک قبر میں پانچ افراد کی باقیات چھپائی جاتی تھی۔خیال رہے شہری کی جانب سے شکایت موصول ہونے کے بعد گزشتہ روز عزیزآباد انوسٹی گیشن پولیس نے یاسین آباد قبرستان میں کارروائی کرتے ہوئے قبروں کی فروخت میں ملوث گورکن کو رنگے ہاتھوں گرفتار کیا تھا، پولیس کے مطابق ملزم دورانِ تفتیش اپنے جرم کا اعتراف کرچکا ہے۔

Facebook Twitter Google + Share on Whatsapp

قبریں فروخت کرنے والا ایک اور گورکن کو گرفتار

ایک سال میں ہزار سے زائد مردے نکالے، گرفتار گورکن نعیم عرف کلوکا اعتراف

مزید اہم خبریں