فلم ففٹی شیڈز ڈارکر کیلئے ٹیلرسوئفٹ اور زیان ملک کا گانا سوشل میڈیا پر وائرل

اتوار 11 دسمبر 2016 13:00

لاس اینجلس (اُردو پوائنٹ اخبارتازہ ترین - آئی این پی۔ 11 دسمبر2016ء) ہالی ووڈ کی نئی رومانوی فلم ففٹی شیدز ڈارکرکیلئے معروف گلوکارہ ٹیلر سوئفٹ اور زیان ملک کا گانا آئی ڈونٹ وانا لیف فار ایور سوشل میڈیا پر وائرل ہوگیا۔

(جاری ہے)

امریکی معروف پاپ گلوکارہ ٹیلرسوئفٹ اور پاکستانی نڑاد برطانوی سنگر زیان ملک نے ہالی ووڈ کی نئی آنے والی رومانوی فلم ففٹی شیڈز ڈارکر کیلئے پس پردہ اپنی آواز کا جادو جگا دیا ہے۔

دونوں گلوکاروں کا گایا ہوا گانا آئی ڈونٹ وانا لیف فارایور ریلیز ہوتے ہی سوشل میڈیا پر چھا گیا ہے۔ہدایتکار جیمز فولی کی یہ فلم دوہزار پندرہ میں ریلیز ہونے والی فلم ففٹی شیڈز آف گرے کا سیکوئیل ہے، اس فلم میں کرسچین گرے اپنے ماضی کی بری یادوں سے پیچھا چھڑاتے نظر آئیں گے۔یہ رومانوی فلم آئندہ سال فروری میں ویلنٹائن ڈے پر سینماگھروں کی زینت بنے گی۔