پرویز مشرف کی ریڑھ کی ہڈی کا امریکہ میں کامیاب آپریشن

آئی سی یو میں ریکوری کے بعد کمرے میں منتقل کر دیا جائیگا‘ طبیعت کی مکمل بحالی پر ہسپتال سے فارغ کر دیا جائیگا‘ ہسپتال ذرائع

ہفتہ 10 دسمبر 2016 21:15

پرویز مشرف کی ریڑھ کی ہڈی کا امریکہ میں کامیاب آپریشن

لندن (اُردو پوائنٹ اخبارتازہ ترین - آئی این پی۔ 10 دسمبر2016ء) سابق صدر جنرل (ر)پرویز مشرف جو ان دنوں امریکہ میں زیر علاج ہیںکی ریڑھ کی ہڈی کا آپریشن کامیاب رہا ہے، اب ان کی حالت بہتر ہے۔ہفتہ کو نجی ٹی وی کے مطابق بیرون ملک مقیم سابق صدر جنرل ریٹائرڈ پرویز مشرف کو کافی عرصے سے کمر کی درد کی شکایت تھی ، طبی معائنے کے بعد ڈاکٹروں نے آپریشن کا مشورہ دیا تھا۔

(جاری ہے)

نجی ٹی وی کے مطابق امریکہ کے ایک ہسپتال میں سابق صدر پرویز مشرف کی ریڑھ کی ہڈی کا آپریشن کر دیا گیا، آپریشن کے بعد انہیں آئی سی یو میں منتقل کر دیا جائے گا۔ڈکٹروں کا کہنا ہے کہ آپریشن کامیاب ہوا ، ہسپتال ذرائع کے مطابق آپریشن کے دوران ان کی حالت کافی بہتر رہی‘ آئی سی یو میں ریکوری کے بعد انہیں کمرے میں منتقل کر دیا جائے گا ، طبیعت کی مکمل بحالی پر جلد انہیں ہسپتال سے فارغ کر دیا جائے گا۔