گیمبیا پر 22 سال سے حکومت کرتے لیڈر کا انتخابات میں شکست تسلیم کرنے سے انکار

ہفتہ 10 دسمبر 2016 16:10

بانجول(اُردو پوائنٹ اخبارتازہ ترین - آئی این پی۔ 10 دسمبر2016ء)مغربی افریقی ملک گیمبیا پر 22 سال سے حکومت کرتے چلے آ رہے لیڈر یحیی جامہ نے صدارتی انتخابات میں اپنی شکست تسلیم کرنے سے انکار کر تے ہوئے نئے سرے سے صدارتی انتخابات کے انعقاد کا مطالبہ کردیا۔

(جاری ہے)

غیر ملکی میڈیا کے مطابق گیمبیا پر 22 سال سے حکومت کرتے چلے آ رہے لیڈر یحیی جامہ نے صدارتی انتخابات میں اپنی شکست تسلیم کرنے سے انکار کر دیا ہے اور نئے سرے سے صدارتی انتخابات کے انعقاد کا مطالبہ کیا ہے ۔

سرکاری ٹیلی وژن پر اپنے ایک خطاب میں جامہ نے تحقیقات کا حوالہ دیتے ہوئے کہا کہ ان انتخابات میں الیکشن حکام کی جانب سے ناقابلِ قبول غلطیاں سرزد ہوئی ہیں۔ واضح رہے کہ یکم دسمبر کے انتخابات میں جامہ کو محض 39.64 فیصد ووٹ ملے تھے جبکہ اپوزیشن امیدوار اداما بیرو نے 43.29 فیصد ووٹ حاصل کرتے ہوئے انتخابات جیت لیے تھے۔ تب انتخابات کے اگلے ہی روز جامہ نے انتخابی نتائج تسلیم کرنے اور اقتدار نو منتخب صدر کے حوالے کرنے کا وعدہ کیا تھا۔

Facebook Twitter Google + Share on Whatsapp

گیمبیا پر 22 سال سے حکومت کرتے لیڈر کا انتخابات میں شکست تسلیم کرنے سے انکار

مزید بین الاقوامی خبریں