پشاورآرمی سکول کے ملزمان،حیدرگیلانی کے اغواء کارمارے جاچکے ہیں، امریکہ

افغانستان میں آپریشن کرکے اسلامک جہاد یونین کے امیر حامد اللہ اور طارق گیڈر گروپ کے امیر عمر خلیفہ کو بھی ہلاک کردیا،جنرل نکولسن

ہفتہ 10 دسمبر 2016 13:43

پشاورآرمی سکول کے ملزمان،حیدرگیلانی کے اغواء کارمارے جاچکے ہیں، ..

واشنگٹن(اُردو پوائنٹ اخبارتازہ ترین - این این آئی۔ 10 دسمبر2016ء) امریکا نے کہاہے کہ پشاور کے آرمی پبلک اسکول (اے پی ایس) پر 16 دسمبر 2014 کو ہونے والے حملوں میں ملوث ملزمان اورسابق وزیراعظم یوسف رضاگیلانی کے بیٹے کواغواء کرنے والے عسکریت پسند افغانستان میں ہلاک کیے جاچکے ہیں،غیرملکی خبررساں ادارے کو دیئے گئے ایک انٹرویومیں امریکی جنرل نکولسن نے کہاکہ امریکی انسداد دہشت گردی فورس نے مشرقی افغانستان میں کارروائی کرکے سابق وزیراعظم یوسف رضا گیلانی کے بیٹے کو بازیاب کراتے ہوئے پانچ امیروں سمیت 20 دہشت گردوں کو ہلاک کیا، انہوں نے کہاکہ افغانستان میں ایک آپریشن میں اسلامک جہاد یونین کے امیر حامد اللہ اور طارق گیڈر گروپ کے امیر عمر خلیفہ کو بھی ہلاک کیا گیا۔

(جاری ہے)

ایک سوال کے جواب میں جنرل نکولسن کا کہنا تھا کہ حقانی نیٹ ورک تاحال امریکا، اس کے اتحادیوں اور افغانستان کے لیے سب سے بڑا خطرہ ہے۔