روسی ہیکرز نے ٹرمپ کی صدارتی مہم میں مدد کی تھی، سی آئی اے

ہفتہ 10 دسمبر 2016 13:15

واشنگٹن۔ (اُردو پوائنٹ اخبارتازہ ترین - اے پی پی۔ 10 دسمبر2016ء) امریکی خفیہ ادارے سی آئی اے کے ایک تجزیے کے مطابق امریکی صدارتی الیکشن کے دوران روس نے ری پبلکن امیدوار ڈونلڈ ٹرمپ کی مہم کو کامیاب بنانے میں خفیہ طور پر مدد کی تھی۔

(جاری ہے)

وفاقی تحقیقاتی ادارے نے اس یقین کا اظہار کیا ہے کہ گزشتہ ماہ ہونے والے اس الیکشن میں روسی ہیکرز نے ٹرمپ کو جتوانے کی کوشش کی تھی۔ تاہم ڈونلڈ ٹرمپ کی ٹیم نے ان الزامات کو مسترد کر دیا ہے۔ ماسکو حکومت بھی ایسی قیاس آرائیاں مسترد کرتی آئی ہے کہ اس نے امریکی صدارتی انتخابات کے نتائج پر اثر انداز ہونے کی کوشش کی تھی۔