احتساب سب کا اور مساویانہ ہونا چاہیے ،چھی اصلاحات نہ ہوں تو ساری قوم کو برے نتائج بھگتنا پڑتے ہیں‘ ڈاکٹر عائشہ غوث پاشا
اپنے اختیارات کا ناجائز استعمال بھی کرپشن کہلاتی ہے، اینٹی کرپشن اداروں کو خود مختار ،ہر کسی کیخلاف کارروائی کا اختیار ہونا چاہیے ‘ وزیر خزانہ پنجاب وزیراعلیٰ پنجاب نے اینٹی کرپشن کو خودمختار ،موثر اتفتیشی ایجنسی بنانے کی منظوری دیدی ،راس سمت میں کافی پیش رفت ہو چکی ‘مظفر علی رانجھا کرپشن اور گڈ گورننس کا گہرا تعلق ہے ،پشن کے خاتمے کے بغیر نہ توگڈگورننس کا خواب شرمندہ تعبیر ہو سکتا ہے ‘رانااکرام ربانی کا سمینار سے خطاب
جمعہ 9 دسمبر 2016 21:01
(جاری ہے)
گڈ گورننس عام آدمی کے معیار زندگی میں بہتری سے مشروط ہے جو کرپشن کے خاتمے کے بغیر ممکن نہیں ۔
انہوں نے کہا کہ کرپشن ریاست اور معاشرے کا مشترکہ مسئلہ ہے جسے ہم سب کو ملکر حل کرنا ہے ۔ ڈاکٹر عائشہ غوث پاشا نے کہا کہ کرپشن کا خاتمہ ہمارے ایجنڈے میں شامل ہے اور ہم سب کو مل کر کرپشن کے خاتمے کے لئے کام کرنا ہو گا۔اچھی اصلاحات نہ ہوں تو ساری قوم کو برے نتائج بھگتنا پڑتے ہیں،قانون کی حکمران،انصاف تک رسائی اور پالیسی سازی میں شفافیت اور سٹیک ہولڈر کی شمولیت سے بہتر اصلاحات ہوتی ہیں۔ انہوں نے کہا کہ اپنے اختیارات کا ناجائز استعمال بھی کرپشن کہلاتی ہے، احتساب سب کا اور مساویانہ ہونا چاہیے اور کرپشن کا خاتمہ کرنے کے لئے اپنے گھر سے احتساب شروع کرنا چاہیے ۔ انہوں نے کہا کہ اینٹی کرپشن اداروں کو خود مختار اور ہر کسی کے خلاف کارروائی کا اختیار ہونا چاہیے ۔میڈیا کو اپنا احتساب خود کرنا چاہیے ۔اینٹی کرپشن ایجنسی کو بھرپور فنڈز دیں گے تاکہ کرپشن کے خلاف زیادہ بہتر اقدامات کئے جا سکیں۔ عائشہ غوث پاشا نے کہا کہ ای گورننس کو پروموٹ کر رہے ہیں تاکہ ٹیکس آفیسر اور ٹیکس دہندہ کے درمیان لنک ختم ہو جائے۔ڈائریکٹر جنرل اینٹی کرپشن اسٹیبلشمنٹ پنجاب بریگیڈئیر (ریٹائرڈ) مظفر علی رانجھانے کہا کہ وزیراعلیٰ پنجاب نے اینٹی کرپشن کو خودمختار اور موثر اتفتیشی ایجنسی بنانے کی منظوری دے دی ہے اوراس سمت میں کافی پیش رفت ہو چکی ہے۔انہوں نے کہا کہ قومی احتساب بیورو نے یورپی یونینز کے معیار کے مطابق اینٹی کرپشن پنجاب کے تفتیشی معاملات کو تمام صوبوں سے بہتر اورشفاف قرار دیا ہے ۔انہوں نے بتایا کہ خیبر پختونخوا، سندھ اورآزاد کشمیر کے اینٹی کرپشن کے اداروں نے اینٹی کرپشن پنجاب کے کمپلینٹ مینجمنٹ سسٹم کو متعارف کرنے کیلئے رابطہ کیا ہے جو اینٹی کرپشن پنجاب کی بہتر کارکردگی کا منہ بولتا ثبوت ہے۔ڈی جی اینٹی کرپشن نے بتایاکہ اینٹی کرپشن پنجاب میں 90فیصد سے زائدطریقہ کار کو ڈیجٹلائز کردیاگیا ہے اورفائل ورک کی بجائے کمپیوٹر سسٹم کے ذریعے تفتیش اورانکوائریوں کا عمل آگے بڑھایا جارہا ہے ۔ انہوں نے بتایاکہ اینٹی کرپشن پنجاب میں 1997سے 2013تک زیر التواء تمام مقدمات اورانکوائریاں مکمل کرلی ہیں اورکئی کئی سالوں سے مقدمات اور انکوائریوں کے التوا کی روایت ختم کردی گئی ہے ۔وائس چیئرمین اینٹی کرپشن کمیٹی پنجاب رانااکرام ربانی کے کہا کہ کرپشن اور گڈ گورننس کا گہرا تعلق ہے اورکرپشن کے خاتمے کے بغیر نہ توگڈگورننس کا خواب شرمندہ تعبیر ہو سکتا ہے اورنہ معاملات میں شفافیت پیداکی جاسکتی ہے۔انہوں نے کہا کہ اینٹی کرپشن پنجاب کو نیب کی طرز پر اختیارات اورسہولیات فراہم کرنے سے کرپشن کے خلاف مہم میں تیزی لائی جا سکتی ہے۔مجیب الرحمن شامی نے کہا کہ وفاقی اورصوبائی سطح پر بیک وقت کئی محکمے کرپشن کے خاتمے کیلئے کام کررہے ہیں اورایک جیسی کوششوں کی وجہ سے نتائج حوصلہ افزا نہیں ۔انہوں نے کہا کہ وفاق اورصوبائی سطح پر کرپشن کے خاتمے کیلئے بنائے جانے والے اداروں کو کم کرنے کی ضرورت ہے ۔انہوں نے کہاکہ معاشرے انصاف کی فراہمی سے ہی ادارے مضبو ط اورمستحکم ہو سکتے ہیں اورانصاف کی فراہمی کا پہلا زینہ کرپشن کا خاتمہ ہے ۔انہوں نے کہا کہ محدودمالی وسائل کی کمی اورلامحدود خواہشات نے کرپشن کو فروغ دیا ہے اس لئے سرکاری ملازمین سمیت معاشرے کے تمام افراد کوسادگی اپناناہو گی ۔اس موقع پر سینئر صحافی و تجزیہ نگار مجیب الرحمن شامی نے کہا کہ وردی پہن کر سیاست میں حصہ نہیں لینا چاہیے ، فوجی افسر کا سیاست میں حصہ لینے سے مسائل پیدا ہوتے ہیں۔ انہوں نے کہا کہ ثبوت اور دلیل کے بغیر کسی پر الزامات نہیں لگانے چاہیے ،دنیا اعتراف کرتی ہے کہ پاکستان میں کرپشن کم ہوئی۔ انہوں نے کہا کہ کرپشن ختم کرنے کے اداروں کی تعداد کم کی جائے،نیب اور ڈی جی اینٹی کرپشن کے دائرہ کار میں عدلیہ اور فوجی ادارے نہیں آتے،اس پر غور کرنے کی ضرورت ہے۔فوجی یا عدالتی احتسابی اداروں کی کارکردگی سے عوام کو مطلع کرنا چاہیے ۔مزید اہم خبریں
-
کراچی سے فورسز پر حملوں میں ملوث دہشت گرد گرفتار
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.