حافظ آباد، کمبائن ہار ویسٹر مشین اور کام میں تصادم کے نتیجہ میں دو خواتین جاں بحق ،3افراد شدید زخمی

جمعرات 8 دسمبر 2016 22:40

حافظ آباد(اُردو پوائنٹ اخبارتازہ ترین - آئی این پی۔ 08 دسمبر2016ء) حافظ آباد میںجلالپور روڈ پر کوٹ مبارک کے قریب کمبائن ہار ویسٹر مشین اور کام میں تصادم کے نتیجہ میں دو خواتین جاں بحق 3افراد شدید زخمی ہو گئے۔ریسکیو1122کی امدادی ٹیموں نے زخمیوں کو ٹراما سنٹر منتقل کر دیاجہاں دو کی حالت تشویشناک بتائی جاتی ہے۔

(جاری ہے)

تفصیلات کے مطابق مڈھورا کلاں کے رہائشی محمداکرام ، اورمزمل تین خواتین کبریٰ بی بی، صائمہ جہانگیر اور آصفہ کے ہمراہ کار میں سوار ہو کر گائوں جا رہے تھے کہ کوٹ مبارک کے قریب اُن کی کار مخالف سمت سے آنے والی کمبائن ہار ویسٹر مشین سے ٹکرا گئی جس سے کبریٰ بی بی زخموں کی تاب نہ لاتے ہوئے موقع پر ہی جاں بحق ہو گئی جبکہ 4زخمیوں کو ریسکیو کی امدادی ٹیموں نے ٹراما سنٹر منتقل کیا جہاں صائمہ بی بی بھی دم توڑ گئی۔

ذرائع کے مطابق حادثہ دھند اور تیز رفتاری کے باعث پیش آیا۔