صدر آزاد کشمیر سردار مسعود خان سے وزیر مملکت اطلاعات مریم اورنگزیب کی ملاقات ‘ پاکستان کے ذرائع ابلاغ میں مسئلہ کشمیر اجاگر کرنے اور مقبوضہ کشمیر کی صورتحال سے متعلق کوریج کے لیے مناسب وقت مختص کرنے ، آزاد کشمیر ٹیلی ویژن مظفرآباد اور ریڈیو مظفرآباد کی اپ گریڈیشن اور ان کی نشریات کا دائرہ بڑھانے سمیت باہمی دلچسپی کے دیگر امور پر تبادلہ خیال
8 جولائی کے بعد سے پاکستان میڈیا نے مقبوضہ کشمیر میں بھارتی ظلم و استبداد کو اجاگر کرنے ، بھارت کی طرف سے سرجیکل سٹرائیکس کے بے بنیاد دعوے کا پردہ چاک کرنے میں نہایت موثر کردار ادا کیا ہے‘صدر سردار محمد مسعود خان
جمعرات 8 دسمبر 2016 19:19
(جاری ہے)
میری خواہش ہے کہ پاکستان کا پرنٹ اور الیکٹرانک میڈیا مسئلہ کشمیر اور تحریک آزادی کشمیر کو عالمی برادری کے سامنے اجاگر کرنے کے لیے مذید موثر کردار ادا کرے ۔
اس سلسلے میں پرنٹ میڈیا کشمیر سے متعلق خصوصی صفحات اور الیکٹرانک میڈیا نشریات کا دورانیہ بڑھائے تا کہ بیرونی دنیا کے علاوہ اہل پاکستان بھی مقبوضہ کشمیر کی صورتحال سے روشناس ہو سکیں۔ اور انہیں پتہ چلے کہ کشمیری قوم تکمیل پاکستان کے لیے جانیںقربان کر رہے ہیں۔ وہاں لاکھوں کے مجمعے پاکستان سے رشتہ کیا لاالہ الااللہ کا نعرہ بلند کرتے ہیں اور نوجوان سبز ہلالی پرچم لہراتے ہیں ۔ صدر سردار مسعو د خان نے کہا کہ کشمیر کے انقلاب کا رنگ گہرا سبز ہے۔وہا ں شہید ہونے والو ں کو سبز ہلالی پرچم میں دفن کیا جاتا ہے۔ میڈیا میں تحریک آزادی کشمیر کی مناسب کوریج نہ ہونے کی وجہ سے یہا ں طرح طرح کی آوازیں بلند ہو رہی ہیں جو افسوسناک امر ہے۔آزادکشمیر حکومت محدود وسائل کے ساتھ ذرائع ابلاغ کے محاذ پر کمزور ہے۔اس لیے ہمیں حکومت پاکستان کی مدد درکار ہے ۔ علاوہ ازیں ملاقات میں مسئلہ کشمیر اور مقبوضہ کشمیر کی صورتحال پر بھی تفصیلی بات چیت کی گئی۔صدر سردار مسعود خان نے وزیرمملکت برائے اطلاعات و نشریات کو بتایا کے مقبوضہ کشمیر میں انسانیت کے خلاف جرائم اور کشمیری قوم کی نسل کشی کی مرتکب ہو رہی ہے۔وہاں 1245نوجوانوں کی آنکھیں کلی یا جزوی طور پر پیلٹ گن کے استعمال سے متاثرہوئی ہیں ۔نوجوان لڑکے ہی نہیں لڑکیاں بھی بصارت سے محروم ہوئی ہیں ۔اس پر وزیرمملکت محترمہ مریم اورنگزیب نے کہاکہ کشمیر پاکستان کی شہ رگ ہے۔کشمیر کے بغیر پاکستان نظریاتی اور جغرافیائی لحاظ سے نا مکمل ہے ۔ ہم کشمیر ی بھائیوں کی سیاسی ،سفارتی اور اخلاقی حمایت جاری رکھیں گے۔حکومت پاکستان کشمیر کے حوالے سے اصولی موقف پر قائم ہے۔وزیراعظم میاں محمد نوازشریف نے اقوام متحدہ سمیت عالمی سطح پر مسئلہ کشمیر ہمیشہ جراتمندانہ انداز میں اجاگر کیا ۔ دنیا کے اہم ملکوں کے لیے خصوصی ایلچی بھیجے گئے۔محترمہ مریم اورنگزیب نے آزادکشمیر ٹیلی ویژن کی نشریات کا دورانیہ بڑھانے اورا سٹیشن کو اپ گریڈ کرنے خصوصاً ریڈیو مظفرآباد کے ٹرانسمیٹر کو اپ گریڈ کرنے کی یقین دہانی کرائی ۔ انہوں نے کہا کہ میری وزارت مسئلہ کشمیر کو عالمی اور ملکی سطح پر اجاگر کرنے کے لیے اپنی تمام تر کوششیں بروئے کار لائے گی۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.