بد قسمت طیارے میں جاں بحق ہونے والی ائیر ہوسٹس عاصمہ نے آخری پیغام میں سسر کا شکریہ ادا کیا

عاصمہ بہت اچھی بیٹی تھیں جو تمام گھر والوں کا خیال رکھتی تھیں ،ْسسر کی گفتگو

جمعرات 8 دسمبر 2016 13:57

ْ اسلام آباد (اُردو پوائنٹ اخبارتازہ ترین - این این آئی۔ 08 دسمبر2016ء) پی آئی اے کا بد قسمت طیارہ حویلیاں میں گر کر تباہ ہوا تو اس میں سوار افراد اپنے پیچھے آنسو اور کہانیاں چھوڑ گئے ۔بد قسمت طیارے پر پانچ کریو ممبر اور 42مسافروں کے ساتھ ساتھ ائیر ہوسٹس عاصمہ بھی سوار تھی ۔ائیر ہوسٹس عاصمہ نے حادثے سے پہلے اپنے سسر کے ساتھ آخری بات چیت کرتے ہوئے سسر کا شکریہ ادا کیا ۔

(جاری ہے)

عاصمہ کے سوگواران میں دو چھوٹے بچے بھی شامل ہیں ،ْائیر ہوسٹس عاصمہ کے سسر نے کہا کہ وہ بہت اچھی بیٹی تھیں جو تمام گھر والوں کا خیال رکھتی تھیں ۔انہوں نے بتا یا کہ میں نے عاصمہ کو ٹیلی فون کیا لیکن اس سے بات نہیں ہو سکی لیکن پندرہ منٹ کے بعد اس نے پیغام بھیجا جس میں لکھا ہوا تھا ’’شکریہ ابو ‘‘۔عاصمہ کے دو چھوٹے بچے میں جن میں چار سالہ طلحہ اور ایک سالہ امہ ہانی شامل ہیں جس کی دو دن پہلے سالگرہ تھی ۔