حویلیاں طیارہ حادثہ قومی سانحہ ہے

جے یو آئی(ف) کے امیر مولانا فضل الرحمن‘ڈپٹی چیئر مین مولانا عبد الغفور حیدری اور دیگر رہنمائوں کا طیارہ حادثہ پر اظہار افسوس

بدھ 7 دسمبر 2016 23:31

اسلام آباد (اُردو پوائنٹ اخبارتازہ ترین - آئی این پی۔ 07 دسمبر2016ء) جے یو آئی(ف) کے امیر مولانا فضل الرحمن نے طیارہ حادثہ پر گہرے دکھ اور افسوس کا اظہار کرتے ہوئے اس سانحہ کو قومی سانحہ قرار دیاہے مر کزی میڈیا آفس کے مطابق مولانا فضل نے اس حادثہ میں جاں بحق ہو نے والوں کے لیئے دعا مغفرت کی اور اور ان کے درجات کی بلندی کی دعا کی۔سینٹ کے ڈپٹی چیئر مین مولانا عبد الغفور حیدری نے چترال سے آنے والے پی آئی اے کے طیارے کے حادثہ پر دلی دکھ اورافسوس کا اظہار کرتے ہوئے اس سانحہ میں شہید ہونے والے کے درجات کی بلندی کی دعا کی۔

جے یو آئی کے دیگر راہنمائوں مولانا محمدامجد خان ،حاجی اکرم خان درانی ،مولانا حافظ حسین احمد نے بھی طیارہ حادثے میں جانی نقصان پر گہرے دکھ اور افسوس کا اظہار کرتے ہوئے انہوں نے اس سانحہ میں ملک معروف نعت خواں جنید جمشید سمیت دیگر افراد کی شہادت پر کہاکہ جے یو آئی متاثرہ خاندانوں کے اس غم میں برابر کی شریک ہے۔

(جاری ہے)

جمعیت علماء اسلام کے سر براہ مولانا فضل الرحمن گذشتہ روز لاہور پہنچے ان کو ڈاکٹروں چک کیا اور ان کے ایک دو ٹیسٹ ہوئے گذشتہ رات ہی کو ان کی رپورٹیں بہتر آنے پر ڈاکٹروں نے ان کا معائنہ کر کے ان کو ہسپتال سے ڈسچارج کر دیا مولانا فضل الرحمن ہسپتال سے ڈسچارج ہونے کے فوری بعد اسلام کے لیئے روانہ ہوگئے مولانا محمدامجد خان نے بتا یاکہ مولانا اب بالکل ٹھیک ہے