پشاور ،سٹی پٹرول پولیس فورس کی کامیاب کاروائی ، پولیس ناکہ بندی سے فرارہونے والے منشیات سمگلر گرفتار، منشیات برآمد ،مقدمہ درج

بدھ 7 دسمبر 2016 22:37

پشاور(اُردو پوائنٹ اخبارتازہ ترین - آئی این پی۔ 07 دسمبر2016ء) سٹی پٹرول پولیس فورس نے کامیاب کاروائی کرتے ہوئے پولیس ناکہ بندی سے فرارہونے والے منشیات کے سمگلر کو گرفتار کرکے اس کے قبضہ سے منشیات برآمد کرکے مقدمہ درج کردیا گیا۔

(جاری ہے)

تفصیلات کے مطابق گزشتہ روز سربند پولیس کو اطلاع ملی تھی کہ باڑہ قدیم کے راستے منشیات سمگل کر نے کی کوشش کی جارہی ہے اطلاع ملنے پر پولیس نے ناکہ بندی کیدوران مشتبہ رکشہ کو رکنے کا اشارہ کیا مگر رکشہ میں سوار مشتبہ شخص رکشے سے کود کر وہاں سے فرارہوگیا مشتبہ شخص کے فرار کی اطلاع ایمرجنسی کنٹرول پر پاس ہونے پر سٹی پٹرول فورس کے انچارج انسپکٹر عمران خان نے پشتہ خرہ چوک میں ناکہ بندی کرکے ملزم نظام ولد ابراہیم سکنہ باڑہ قدیم کو گرفتار کرلیا جبکہ اس کے قبضہ سے اعلی کوالٹی کی ایک کلو چرس بھی برآمد کرلی پولیس نے گرفتار ہونے والے منشیات فروش کے خلاف مقدمہ درج کرلیا ہے۔