معروف نعت خواں جنید جمشید کے طیارہ حادثہ میں جاں بحق ہونے کی خبر جنگل کی آگ کی طرح پھیل گئی ، خبر سنتے ہی بڑی تعداد میں لوگ ان کی رہائش گاہ پر جمع، اہل خانہ غم سے نڈھال، اسلام آباد اور راولپنڈی میں جنید جمشید کے آ?ٹ لیٹس بند،ملازمین افسردہ

بدھ 7 دسمبر 2016 22:31

کراچی(اُردو پوائنٹ اخبارتازہ ترین - آئی این پی۔ 07 دسمبر2016ء) معروف مذہبی شخصیت اورنعت خواں جنید جمشید کے طیارہ حادثہ میں جاں بحق ہونے کی خبر جنگل کی آگ کی طرح پھیل گئی ، خبر سنتے ہی کراچی میں واقع ان کی رہائش گاہ پر لوگوں کی بڑی تعداد پہنچ گئی۔ اس موقع پر ہر آنکھ اشک بار دکھائی دی جبکہ اسلام آباد اور راولپنڈی میں جنید جمشید کے آئوٹ لیٹس بھی بند کر دئیے گئے۔

(جاری ہے)

تفصیلات کے مطابق بدھ کو کو چترال سے آنے والی قومی ایئر لائن کی پرواز پی کے 661 حادثہ کا شکار ہو گئی تھی جس میں بدنصیب طیارے میں ملک کے معروف نعت خواں جنید جمشید کی ہلاکت کی اطلاع جنگل کی آگ کی طرح پھیل گئی اور کراچی میں واقع ان کی رہائش گاہ پر عوام کی ایک بڑی تعداد جمع ہو گئی اور اس موقع پر ہر آنکھ اشک بار دکھائی دی۔ جنید جمشید مرحوم کے اہل خانہ غم سے نڈھال دکھائی دئیے اور انہوں نے میڈیا سے بھی بات کرنے سے انکار کر دیا جبکہ دوسری جانب اسلام آباد اور راولپنڈی میں جنید جمشید کے آ?ٹ لیٹس بھی بند کر دئیے گئے۔ ان آ?ٹ لیٹس پر کام کرنے والے ملازمین بھی جنید جمشید کے جاں بحق ہونے کی خبر سن کر انتہائی افسر دہ ہو گئے۔ …(رانا)

Facebook Twitter Google + Share on Whatsapp

متعلقہ عنوان :

مزید اہم خبریں