قومی ووٹرڈے کے حوالے سے سیمینارکاانعقاد
بدھ 7 دسمبر 2016 20:12
(جاری ہے)
ان خیالات کا اظہار ای ڈی او سی ڈی مظفرگڑھ غلام عباس سومرو نے قومی ووٹر ڈے کے موقع پر ڈسٹرکٹ الیکشن کمشنر مظفرگڑھ کے زیر اہتمام ٹی ایم اے ہال مظفرگڑھ میں منعقدہ ایک سیمینار سے خطاب کرتے ہوئے کیا ،انہوں نے کہا کہ ووٹ ڈالنا محض ایک ضرورت ہی نہیں بلکہ یہ ہر شہری کا فرض ہے کہ وہ اپنے ووٹ کے ذریعے بہترین امیدوار کا انتخاب کرے، جو عوام کے مسائل کو حل کرسکے جس سے ملک و قوم کا فائدہ ہو، انہوں نے کہا کہ آئین پاکستان کے مطابق خواتین ، مردوں، نوجوانوں ، معذور افراد ، خواجہ سراء اور اقلیتوں سب کو ووٹ ڈالنے کا برابر حق ہے ، اب یہ ہم سب کی مشترکہ ذمہ داری ہے کہ عوام میں اس بات کا شعور بیدار کریں کہ وہ انتخابات سے قبل اپنے ووٹ کا اندراج کرائیں اور انتخابات کے دوران اس کا صحیح استعمال کریں، قبل ازیں ڈسٹرکٹ الیکشن کمشنر مظفرگڑھ چوہدری اکرم نے اپنے خطاب میں بتایا کہ 1970سے 2013کے انتخابات کا جائزہ لیا جائے تو معلوم ہوتا ہے کہ پاکستان میں ووٹ ڈالنے کی شرح خاطر خواہ نہیں رہی جس کی وجہ عوام میں ووٹ کی اہمیت کے بارے میں آگاہی نہ ہونا ہے، آج کے سیمینار کے انعقاد کا مقصد عوام میں ووٹ کی اہمیت اجاگر کرنا ہے اور شناختی کارڈ کا حصول ،ووٹ کے اندراج اور ووٹ ڈالنے کے طریقہ کار سے آشنا کرانا ہے، اس موقع پر پروفیسر افتخار ہاشمی نے اپنے خطاب میں کہا کہ ووٹ قوم کی امانت ہے تو اس کے صحیح استعمال نہ کرنا ایک خیانت ہے انتخابات کے دوران ووٹ ڈالنے کی شرح کم رہنا لمحہ فکریہ ہے ، انتخابات کے دوران نہ صرف عوام کو ووٹ ڈالنے کی ترغیب دی جائے بلکہ عوام کا ووٹ ڈالنے کیلئے بہتر سے بہتر سہولیات فراہم کی جائیں تاکہ عوام انتخابات کے دوران شوق سے ووٹ ڈالیں اور بہتریں نمائندے منتخب ہو سکیں جو ملک و قوم کے ترقی میں اپنا مثبت کردار ادا کریں ، سیمینار سے رانا وقار ایڈووکیٹ ، منزہ رباب، کلیم اللہ ، شاہانہ شانی، ڈی ڈی او تعلیم مختیار حسین نے بھی خطاب کیا اور ووٹ کی اہمیت پر روشنی ڈالی، سیمینار میں ٹی ایم اے شیخ اشتیاق، ڈی ڈی او سوشل ویلفیئر اظہر یوسف، حافظ اکبر نقاش ، مسز اقبال ، تنویر شہزادسمیت سیاسی ، سماجی تنظیموں ،سول سوسائٹی کے نمائندگان ، وکلاء اور طلباء کی کثیر تعداد نے شرکت کی۔
مزید قومی خبریں
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
-
سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلی سطح اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.