پاکستان کسٹمزپورٹ قاسم کلکٹریٹ سے کپڑے کے کنسائمنٹ کی مس ڈیکلریشن کی کوشش ناکام

ڈائریکٹوریٹ کسٹمزانٹیلی جنس اینڈانویسٹی گیشن ایف بی آر نیکسٹم ڈیوٹی وٹیکسوں کی مد میں چوری کیے جانے والے ریونیو کی وصولیاں کرلی

منگل 6 دسمبر 2016 14:37

کراچی(اُردو پوائنٹ اخبارتازہ ترین - آن لائن۔ 06 دسمبر2016ء) ڈائریکٹوریٹ کسٹمزانٹیلی جنس اینڈانویسٹی گیشن ایف بی آر نے پاکستان کسٹمزپورٹ قاسم کلکٹریٹ سے کپڑے کے کنسائمنٹ کی مس ڈیکلریشن کی کوشش ناکام بناتے ہوئے کسٹم ڈیوٹی وٹیکسوں کی مد میں چوری کیے جانے والے ریونیو کی وصولیاں کرلی ہیں۔ میڈیا رپورٹ کے مطابق مطابق میسرز ملک کارپوریشن کی جانب سے پولیسٹرنیٹ فیبرک اورخواتین کے ملبوسات پر مشتمل کنسائمنٹ دبئی سے درآمد کیاگیاتھا لیکن متعلقہ درآمد کنندہ کی جانب سے کسٹم ڈیوٹی ودیگر ٹیکسوں کی مد میں غیرقانونی طور پر رعایت حاصل کرنے کی غرض سے محکمہ کسٹمزمیں داخل کردہ گڈزڈیکلریشن نمبرKPPI-HC-30562 میں اسے میش نیٹ فیبرک ظاہر کیا۔

ذرائع نے بتایا کہ پورٹ قاسم کسٹمزکلکٹریٹ کے متعلقہ گروپ کی جانب سے کپڑے کے اس کنسائمنٹ کی منشاکے مطابق کلیئرنس کردی گئی تھی لیکن کلیئرنس کے بعد ڈائریکٹوریٹ کسٹمزانٹیلی جنس اینڈانوسٹی گیشن کے افسران نے کنسائمنٹ کو روک لیا اور اس کی دوبارہ ایگزامنیشن کی توانکشاف ہوا کہ کپڑے کے کنسائمنٹ کو کسٹمز اسٹاف اور درآمد کنندہ کی مبینہ ملی بھگت سے مس ڈیکلریشن کے ذریعے کلیئرکرکے قومی خزانے کو لاکھوں روپے کا نقصان پہنچانے کی کوشش کی گئی۔

(جاری ہے)

ذرائع نے بتایاکہ کسٹمز انٹیلی جنس کی جانب سے دوبارہ ایگزامیشن کرنے پر معلوم ہوا کہ کپڑے کے اس کنسائمنٹ میں پولیسٹر نیٹ فیبرک موجودتھا جبکہ درآمد کنندہ کی جانب سے میش نیٹ فیبرک ظاہرکیاگیا۔ ذرائع نے بتایا کہ ڈائریکٹوریٹ کسٹمز انٹیلی جنس نے خفیہ معلومات کی روشنی میں مذکورہ کنسائمنٹ کی ری ایگزامنیشن کی اور حقائق سے ا آگہی کے بعد کنسائمنٹ کی کلیئرنس میں چوری کیے گئے کسٹم ڈیوٹی ودیگر ٹیکسوں کی مد میں مکمل وصولیاں کرکے پورٹ قاسم کسٹمزکلکٹریٹ کے اکاؤنٹ میں جمع کرادیے۔

متعلقہ عنوان :