ملتان میں مبینہ مقابلے کے دوران زیر حراست دو ڈاکو مارے گئے

مظفرگڑھ میں ڈاکوئوں نے سڑک پر ناکہ لگانے کے بعد اسلحہ کے زور پر کئی ٹرک ڈرائیوروں کو لوٹ لیا ،ْڈرائیور زخمی

پیر 5 دسمبر 2016 15:02

ملتان/مظفر آباد(اُردو پوائنٹ اخبارتازہ ترین - این این آئی۔ 05 دسمبر2016ء) ملتان میں مبینہ مقابلے کے دوران زیر حراست دو ڈاکو مارے گئے ،ْمظفرگڑھ میں ڈاکوئوں نے سڑک پر ناکہ لگانے کے بعد اسلحہ کے زور پر کئی ٹرک ڈرائیوروں کو لوٹ لیا،مزاحمت پر ڈاکوئوں کی فائرنگ سے ایک ڈرائیور زخمی ہوگیا۔

(جاری ہے)

ملتان پولیس کے مطابق پہلے سے گرفتار ڈاکو اقبال اور عالم جان کو برآمدگی کیلئے جایا جارہا تھا کہ بوسن روڈ بائے پاس پر ان کے ساتھی ڈاکووں نے پولیس پر حملہ کردیا ،ْپولیس نے جوابی کارروائی کی تاہم ڈاکوئوں کی فائرنگ سے گرفتار دونوں ڈاکے مارے گئے ادھر مظفرگڑھ پولیس کے مطابق علاقے اڈا جام والا کے قریب ڈاکوئوں نے رات گئے ناکہ لگا کر لوٹ مار شروع کردی اور کئی ٹرک ڈرائیوروں سے ہزاروں روپے کی رقم،موبائل اور دیگر سامان چھین لیااس دوران ایک ڈرائیور نے مزاحمت کی کوشش کی تو اسے فائرنگ کرکے زخمی کردیا جسے مقامی لوگوں نے دیہی مرکز صحت رنگپور منتقل کیا اور فرار ہوگئے۔