بیٹیوں کو میڈیکل کی تعلیم دلوانے والے مرد نہیں، سعودی مبلغ

مفتی اعظم سعودی عرب شیخ عبدالعزیز الشیخ کی جانب سے سعودی مبلغ کے متنازع بیان کی مذمت

پیر 5 دسمبر 2016 13:39

بیٹیوں کو میڈیکل کی تعلیم دلوانے والے مرد نہیں، سعودی مبلغ
ریاض(اُردو پوائنٹ اخبارتازہ ترین - این این آئی۔ 05 دسمبر2016ء) سعودی عرب کے مفتی اعظم شیخ عبدالعزیز الشیخ نے بیٹیوں کو میڈیکل کی تعلیم دلوانے اور ملازمت کی اجازت دینے والے والدین کی مذمت کرنے والے ایک سعودی مبلغ کو شدید تنقید کا نشانہ بنایا۔ سعید بن فروہ نامی سعودی مبلغ کے مطابق ایسا کرنے والے والدین مرد وزن کے اختلاط کا اسباب بن رہے ہیں۔

میڈیارپورٹس کے مطابق سعید بن فروہ کے خیالات پر مبنی ویڈیو کی سوشل میڈیا پر غیر معمولی تشہیر سے دنیا بھر میں شدید ردعمل دیکھنے میں آیا۔

(جاری ہے)

انہوں نے بیٹیوں کو میڈیکل کی تعلیم دلوانے والے والدین کو بہت زیادہ برا بھلا کہا تھا۔ عالم دین نے کہا کہ بیٹیوں کو طب کی تعلیم دلوانے والے والد حقیقی مرد نہیں۔سعودی عرب کے سرکردہ مفتی نے اپنے ہفتہ وار انٹرویو میں کہ فروا کا بیان اور خیالات انتہائی خطرناک ہے ۔

یہ خطرناک بیان قابل قبول نہیں۔ انہوں نے کہا کہ طب کی تعلیم دینے والی ہماری جامعات 'محفوظ ہیں جہاں مرد وخواتین طالبات الگ الگ تعلیم حاصل کرتے ہیں۔ ہر جنس کے طلبہ دو مختلف لیکچر ہالز میں تعلیم پاتے ہیں۔سعودی عرب میں سعید بن فروا کو امام مسجد اور مبلغ کے عہدے سے الگ کرنے کا مطالبہ شدت پکڑ رہا ہے۔

متعلقہ عنوان :