ْصدر مملکت اور وزیراعظم سے آرمی چیف کی الگ الگ ملاقات،قومی سلامتی کے امور پر تبادلہ خیال

ملک میں مکمل امن کیلئے نیشنل ایکشن پلان اور ضرب عضب کو مقاصد کے حصول تک جاری رکھا جائے،صدرمملکت پاک فوج دفاع وطن کے سلسلے میں قوم کی توقعات پر پورا اترے گی، آرمی چیف جنرل قمر جاوید باجوہ کی گفتگو

پیر 5 دسمبر 2016 13:23

ْصدر مملکت اور وزیراعظم سے آرمی چیف کی الگ الگ ملاقات،قومی سلامتی ..

اسلام آباد (اُردو پوائنٹ اخبارتازہ ترین - آئی این پی۔ 05 دسمبر2016ء) صدر مملکت ممنون حسین اور وزیراعظم نوازشریف سے آرمی چیف جنرل قمر جاوید باجوہ نے الگ الگ ملاقات کی ۔جس میں قومی سلامتی کے امور پر تبادلہ خیال کیا گیا۔ صدر مملکت ممنون حسین نے کہا کہ ملک میں مکمل امن کیلئے نیشنل ایکشن پلان اورآپریشن ضرب عضب کو مقاصد کے حصول تک جاری رکھا جائے۔

(جاری ہے)

صدر نے کہا کہ جنرل قمرجاوید کی پیشہ ورانہ صلاحیتوں سے ملک کا دفاع مضبوط ہوگا۔۔ انہوں نے آرمی چیف کو پاک فوج کی قیادت سنبھالنے پر مبارک باد بھی دی۔ اس موقع پر جنرل قمر باجوہ کا کہنا تھا کہ پاک فوج دفاع وطن کے سلسلے میں قوم کی توقعات پر پورا اترے گی۔ اس کے علاوہ آرمی چیف جنرل قمر جاوید باجوہ نے وزیر اعظم نوازشریف سے بھی ملاقات کی، جس میں قومی سلامتی کے امور پر تبادلہ خیال کیا گیا۔