پنڈی بھٹیاں، ناراض بیوی کو منانے سسرال جانیوالے شوہر نے تلخ کلامی پرپانچ افراد کو قتل کر کے خودکشی کر لی

منصب ناراض بیوی کو منانے سسرال گیا تھا ، تلخ کلامی پر ساس ، سسر ، بیوی ، سا لے اور سالی کو قتل کر کے خود کو گولی مادی

پیر 5 دسمبر 2016 11:20

پنڈی بھٹیاں (اُردو پوائنٹ اخبارتازہ ترین - آئی این پی۔ 05 دسمبر2016ء) پنڈی بھٹیاں کے نواحی گاؤں شوری مانیکی میں گھریلو جھگڑے پر منصب نامی شخص نے فائرنگ کرکے 5 افراد کی جان لے لی اور بعد میں خود کو بھی گولی مار کے خودکشی کر لی۔میڈیارپورٹس کے مطابق منصب نامی شخص کی بیوی ناراض ہوکر میکے چلی گئی تھی۔

(جاری ہے)

منصب اسے منانے کیلئے سسرال گیا جہاں بیوی کے واپس آنے سے انکار پر اس کی ساس سسر سے تلخ کلامی ہوگئی۔

بات بڑھی تو منصب نے پستول نکال کر فائرنگ کر دی جس سے اس کی بیوی ، ساس ، سسر ، سالا اور سالی موقع پر جاں بحق ہوگئے۔ منصب نے پانچوں افراد کی جان لینے کے بعد خود کو بھی گولی مار کر جان دے دی۔ فائرنگ کی زد میں آ کر منصب کی دو بیٹیاں زخمی ہوگئیں جنہیں طبی امداد کیلئے ہسپتال داخل کرا دیا گیا ، پولیس نے واقعے کی تحقیقات کا آغاز کر دیا ہے۔