سلمان خان میرے اچھے دوست ہیں اس سے زیادہ اور کیا کہوں ،ْ لولیا وینتر

سلمان کیلئے میرے دل میں بہت عزت و احترام ہے ،ْبھارت بھی مجھے بہت پسند ہے ،ْ گفتگو

پیر 5 دسمبر 2016 11:20

ممبئی(اُردو پوائنٹ اخبارتازہ ترین - این این آئی۔ 05 دسمبر2016ء) بالی ووڈ کے دبنگ اداکار سلمان خان اور رومانیہ کی ماڈل لولیا وینترکی منگنی اور شادی کی خبریں خوب میڈیا کی زینت بنی رہیں لولیا وینترنے کہا ہے کہ سلمان خان ان کے اچھے دوست ہیں اس سے زیادہ اورکیا کہوں۔بھارتی میڈیا رپورٹس کے مطابق رومانیہ کی ماڈل گرل لولیا وینترسے جب اداکارسلمان خان کے بارے میں پوچھا گیا تو ان کا کہنا تھا کہ سلمان خان ان کے اچھے دوست ہیں اس سے زیادہ وہ اورکیا کہہ سکتی ہیں۔

(جاری ہے)

ماڈل گرل کا کہنا تھا کہ سلمان خان ان تمام لوگوں کے بہت اچھے دوست بن جاتے ہیں جوان سے بہت اچھی طرح ملتے ہیں اور وہ دل کے بھی بہت اچھے ہیں۔رومانوی ماڈل سے سلمان خان کے ساتھ شادی سے متعلق پوچھا گیا توانہوں نے جواب کو ٹالتے ہوئے کہا کہ سلمان خان کیلئے میرے دل میں بہت عزت و احترام ہے، میں سلمان سے یہاں بھارت میں ملی اوربھارت بھی مجھے بہت پسند ہے، میں ہمیشہ یہاں آنا چاہتی تھی کیونکہ میں نے بچپن سے ہی بھارت سے متعلق بہت کچھ سنا تھا۔لولیا وینتر کا کہنا تھا کہ جب میں بھارت آئی تو یہ مجھے اپنے گھرجیسا لگا اورجب بھی یہاں سے جاتی ہوں تو بہت زیادہ روتی ہوں تاہم ایک بار پھرسے یہاں آکر بہت اچھا محسوس کررہی ہوں۔

متعلقہ عنوان :