امریکہ ،ْمنعقد پہلے پاکستان فلم فیسٹیول کے اولین روز نہایت شاندار ایونٹ کا انعقاد ،ْ کئی نامور شخصیات کی شرکت

تقریب کے خصوصی مہمان اقوام متحدہ کے ڈپٹی سیکرٹری جنرل جان ایلیاسن کی فیسٹیول کے منتظمین کو مبارکباد د

پیر 5 دسمبر 2016 11:20

نیویارک (اُردو پوائنٹ اخبارتازہ ترین - این این آئی۔ 05 دسمبر2016ء) امریکہ کے شہر نیویارک میں منعقد پہلے پاکستان فلم فیسٹیول کے اولین روز نہایت شاندار ایونٹ کا انعقاد کیا گیا۔تفصیلات کے مطابق اقوام متحدہ کے ہیڈکوارٹرز میں شاندار ریڈ کارپٹ کی تقریب کا آغاز ہوا جہاں پاکستان کی کئی نامور شخصیات نے بھی شرکت کی، ان شخصیات میں ماہرہ خان، ماورا حسین، نبیل قریشی، صبا قمر، وجاہت رؤف، یاسر حسین، شہریار منور، عاصم رضا، طوبیٰ صدیقی، عدیل حسین، صنم سعید، جرجیز سعید اور مہرین جبار موجود تھیں۔

دو روزہ تقریب کے خصوصی مہمان اقوام متحدہ کے ڈپٹی سیکریٹری جنرل جان ایلیاسن نے اس فیسٹیول کے منتظمین کو مبارکباد دی اور کہا کہ اس طرح کے ایونٹس دونوں ممالک میں موجود عوام کو ایک دوسرے سے بہتر انداز میں پیش آسکتے ہیں۔

(جاری ہے)

انہوں نے کہا کہ آرٹ، فلمیں اور موسیقی ممالک کے درمیان کے مخالفت کو ختم کرنے میں اہم کردار انجام دیں سکتے ہیں اور امن کو فروغ کرنے کا بہتر ذریعہ ہیں، انہوں نے پاکستانی فنکاروں کو کہا کہ وہ پاکستان کو فتح کرچکے ہیں اب نیویارک کو بھی فتح کرلیں گے۔فیسٹیول میں پاکستان کی کامیاب فلموں کی نمائش کی گئی جن میں دوبارہ پھر سے لاہور سے آگے ،ْایکٹر ان لا ،ْماہ میر ،ْ تین بہادر ،ْدختر ،ْڈانس کہانی اور ہو من جہاں شامل ہیں۔