آئین کی پاسداری کی جائے ،صدر چین

آئین کے بارے میں عوامی شعور میں اضافہ کیا جائے ہانگ جو میں نمائشی ہال کے افتتاح کے موقع پر پیغام تہنیت

اتوار 4 دسمبر 2016 20:30

ہانگ جو(اُردو پوائنٹ اخبارتازہ ترین - آئی این پی۔ 04 دسمبر2016ء) چینی صدر چین جن پھنگ نے تیسرا یوم آئین منائے جانے کے موقع پر آئین اور اس پر عمل درآمد کے بارے میں عوامی شعور بڑھانے پر زوردیا ہے ۔ہانگ جو میں ایک نمائشی ہال کے آغاز کے موقع پر بھیجے جانے والی اپنی ایک ہدایت میں انہوں نے کہا کہ آئین میں ملک کے بنیادی قواعد موجود ہیں اور قانون کی حکمرانی پر عمل درآمد کرتے ہوئے ان کی پاسداری کی جانی چاہیے ۔

یہ نمائشی ہال عوامی جمہوریہ چین کے پہلے آئین کے بارے میں دستاویزات پر مشتمل ہے ۔

(جاری ہے)

یہ آئین ہانگ جو میں منعقد کیا گیا اور1954میں لاگو کیا گیا ۔ چین کی سب سے بڑی مقننہ نے 1954کے آئین کی بنیاد پر 4دسمبر1982کو موجود آئین منظور کیا ۔ شی نے کہا کہ یہ نمائشی ہال آئین کے فروغ کے لئے اہم ہے تاکہ لوگ ملکی قوانین سے زیادہ باخبر ہو سکیں اور ملکی قوانین کی پاسداری کریں ۔

انہوں نے نمائشی ہال کی انتظامیہ سے کہا کہ پارٹی قیادت اور قانون کی حکمرانی کو سربلند رکھا جائے اور آئین پر عمل درآمد اورفروغ میں اپنا کردار ادا کریں ۔ چین میں یوم آئین 4دسمبر2014سے منایا جا رہا ہے ۔ گزشتہ سال کے بعد سے تمام منتخب یا مقرر کئے جانے والے اہلکاروں کے لئے ضروری ہے کہ وہ آئین سے وفاداری کا حلف اٹھائیں ۔