کشمیر کی آزادی نوشتہ دیوار ہے جسے بھارت کو پڑھ لینا چاہئے،شیخ عقیل الرحمن

لاکھ فوج کی موجودگی میں بھی کشمیریوں نے بھارت کو تسلیم نہیں کیا ،بھارتی مظالم کشمیریوں کے جذبہ آزادی کو سرد نہیں کرسکے ،اجتماع سے خطاب

اتوار 4 دسمبر 2016 15:20

مظفر آباد (اُردو پوائنٹ اخبارتازہ ترین - این این آئی۔ 04 دسمبر2016ء) جماعت اسلامی آزادکشمیر کے نائب امیر شیخ عقیل الرحمن نے کہا ہے کہ کشمیر کی آزادی نوشتہ دیوار ہے جسے بھارت کو پڑھ لینا چاہیے۔8لاکھ فوج کی موجودگی میں بھی کشمیریوں نے بھارت کو تسلیم نہیں کیا اور نہ ہی بھارت کے مظالم کشمیریوں کے جذبہ آزادی کو سرد کرسکے ہیں۔بھارت کو بلاآخر کشمیریوں کو ان کا حق حق خودارادیت دینا ہوگا۔

ان خیالات کا اظہار انہوں نے ایک اجتماع سے خطاب کرتے ہوئے کیا۔

(جاری ہے)

انہوں نے کہا کہ کشمیری آزادی کی خاطر قربانیاں دے رہے ہیں اور یہ سلسلہ جاری رہے گا۔حکومت پاکستان اپنی ذمہ داریوں کو محسوس کرتے ہوئے کشمیریوں کو ان کابنیادی حق دلائے ۔بھارت سے تعلقات منقطع کیے جائیں ۔کشمیر کی آزادی کیلئے اب جارحانہ مہم چلائی جائے اور کشمیریوں کی ہرسطح پر مدد کی جائے۔انڈیا کشمیر میں جنگ ہار چکا ہے۔اب وہ بوکھلاہٹ کا شکار ہوکر کنٹرول لائن پر سول آبادی کو نشانہ بنارہا ہے جس کی شدید مذمت کرتے ہیں۔انہوں نے کہا کہ عالمی برادری کنٹرول لائن پر نہتے عوام پر بھارتی فائرنگ کا نوٹس لے۔