نومبر 2016ء ،120 بچوں سمیت 527 فلسطینی شہریوں کو گرفتار کر کے جیل میں بند کیا گیا

رام اللہ (اُردو پوائنٹ اخبارتازہ ترین - این این آئی۔ 04 دسمبر2016ء) فلسطین میں انسانی حقوق کی تنظیموں کی جانب سے جاری کردہ رپورٹس میں بتاگیا گیا ہے کہ نومبر 2016ء کے دوران قابض صہیونی فوج کی طرف سے نہتے فلسطینیوں کے خلاف کریک ڈاؤن کا سلسلہ جاری رہا۔ نومبر میں صہیونی فورسز نے 120 بچوں سمیت 527 فلسطینی شہریوں کو حراست میں لینے کے بعد پابند سلاسل کیا گیا ہے۔

(جاری ہے)

مرکز برائے اسیران اسٹڈی سینٹر، فلسطینی محکمہ امور اسیران، انسانی حقوق کی تنظیم ’ضمیر فاؤنڈیشن‘ اور ’مرکز المیزان برائے انسانی حقوق‘ کی طرف سے جاری کردہ اعدادو شمار میں بتایا گیا ہے کہ نومبر کے مہینے میں حراست میں لئے گئے شہریوں میں 18 سال سے کم عمر کے 120 بچے بھی شامل ہیں جن میں س 14 بچیاں اور متعدد خواتین بھی ہیں۔رپورٹ میں بتایا گیا ہے کہ غزہ کی پٹیوں سے 14 فلسطینی ماہی گیروں کو حراست میں لیا جب کہ غزہ ہی سے پانچ افراد کو البریج پناہ گزین کیمپ کے قریب سے گرفتار کیا گیا۔

رپورٹ کے مطابق اسرائیلی زندانوں میں پابند سلاسل فلسطینیوں کی تعداد 7 ہزار سے زاید ہے جن میں 48 خواتین، 11 کم عمر بچیاں،400 بچے’’مجد‘‘ اور ’’عوف‘‘ نامی فوجی جیلوں میں قید ہیں۔ 700 انتظامی محرسین شامل ہیں۔