عبدالرحمن عرف بھولا کی گرفتار ی سے متعلق علم ہے ‘مزید معلومات آنی ہیں‘وزیراعلیٰ سندھ سید مراد علی شاہ

ہفتہ 3 دسمبر 2016 22:22

کراچی(اُردو پوائنٹ اخبارتازہ ترین - آئی این پی۔ 03 دسمبر2016ء) وزیراعلیٰ سندھ سید مراد علی شاہ نے عبدالرحمن عرف بھولا جو کہ بلدیہ فیکٹری میں آگ لگنے کے واقعہ میں مبینہ طور پر ملوث تھا کی بنکاک میں گرفتاری پر کہا ہے کہ جو کوئی بھی معصوم و بے قصور لوگوں کے خلاف جرم میں ملوث ہوگا اسے کبھی بخشا نہیں جائے گا،انہوں نے کہا کہ عبدالرحمن عرف بھولا کی گرفتار ی سے متعلق انہیں علم ہے اور مزید معلومات آنی ہیں،انہوں نے کہا کہ بلدیہ فیکٹری کی آتشزدگی کا واقعہ شہر کے بدترین واقعات میں سے ایک تھاجس میں معصوم مزدور ، مرد اور عورتیں زندہ جل گئیں تھیں واقعہ میں ملوث مجرموں کو ڈھونڈ لیا جائیگا وہ چاہے جہاں کہیں بھی چھپے ہو ں،وزیراعلیٰ سندھ سید مراد علی شاہ نے آئی جی سندھ پولیس اے ڈی خواجہ کے تبادلہ سے متعلق سوال پر کہا کہ ا نہوں نے یہ خبر میڈیا پر ہی سنی ہے،انہوں نے میڈیا سے درخواست کی کہ وہ ایسی بے بنیادخبروں اور قیاس آرائیوں سے گریز کریں۔

Facebook Twitter Google + Share on Whatsapp

عبدالرحمن عرف بھولا کی گرفتار ی سے متعلق علم ہے ‘مزید معلومات آنی ہیں‘وزیراعلیٰ سندھ سید مراد علی شاہ

متعلقہ عنوان :

مزید اہم خبریں