ا قبال ٹائون کی 19یونین کونسلوں میں چیکنگ ، 23 مقامات سے لاروا فوری تلف کر دیا گیا

لاہور(اُردو پوائنٹ اخبارتازہ ترین - آن لائن۔ 03 دسمبر2016ء) اسسٹنٹ کمشنر علی شہزاد نے کہا ہے کہ ا قبال ٹائون کی 19یونین کونسلوں میں6777 انڈور سپاٹس اور 16955 کنٹینرز کو چیک کیا گیا جبکہ 989آئوٹ ڈور مقامات اور2229کنٹینرز کوبھی چیک کیا گیا۔ اس دوران 23 مقامات سے لاروا پایا گیا جس کو فوری تلف کر دیا گیا۔انہوں نے کہا کہ ٹائون بھر میںصفائی کے انتظامات کو فوقیت دی جا رہی ہے تاکہ ڈینگی لاروا کی افزائش کو کنٹرول کیا جا سکے ۔

(جاری ہے)

ایڈیشنل سیکر ٹری کو آپریٹو محمد نواز نے آج ٹائو ن ایڈمنسٹریشن اقبال ٹائون کے کمیٹی روم میںانسداد ڈینگی کے حوالے سے منعقدہ اجلاس کی صدارت کر تے ہوئے کہا کہ صفائی نصف ایمان کو موٹو بنائے بغیراصل مقاصد حاصل کرنا نا گزیرہے۔ حکومت نے بہترین حکمت عملی سے لاہور و دیگر مقامات پر ڈینگی لاروے کو کنٹرول کر کے نئی تاریخ رقم کی ہے۔ ڈینگی لاروے کی افزائش کو کنٹرول کر نے کیلئے تیز تر اقدامات عمل میں لانا وقت کی اہم ضرورت ہے۔انہوں نے کہا کہ تمام کو آپریٹو و پرائیویٹ ہائوسنگ سو سائٹیوں کا اینٹی ڈینگی انتظامات کے سلسلہ میںمعائنہ کر کے رپورٹ باقاعدگی سے پیش کی جا رہی ہے۔ ٹائون بھر میں ڈینگی کو موسم کی بدلتی کیفیات پر تیزی سے کنٹرول کیا جا رہا ہے۔