ضلع وسطی میں تحریک انصاف کو یونین کونسل سے لے کر وارڈ اور وارڈ سے لے کر بلاک تک تنظیم مضبوط بنائیں گے

تحریک انصاف ضلع وسطی کراچی کے جنرل سیکرٹری ریاض حیدر اور سیکریٹری اطلاعات عزیر احمد صدیقی

ہفتہ 3 دسمبر 2016 19:17

کراچی(اُردو پوائنٹ اخبارتازہ ترین - آئی این پی۔ 03 دسمبر2016ء) پاکستان تحریک انصاف ضلع وسطی کراچی کے جنرل سیکریٹری ریاض حیدر اور سیکریٹری اطلاعات عزیر احمد صدیقی نے کہا ہے کہ کراچی کی عوام تحریک انصاف کے ساتھ ہے۔

(جاری ہے)

سوہنی سینٹر کریم آباد میں تحریک انصاف ضلع وسطی کے مرکزی دفتر اور عوامی رابطہ آفس کا باقائدہ افتتاح جلد کریں گے جس میں تحریک انصاف کراچی کی قیادت سمیت مرکزی قائدین بھی شرکت کریں گے،وہ ہفتہ کوضلع وسطی کی نائب صدر و رکن سٹی کونسل کراچی زرقہ ناز کی رہائشگاہ پر ضلعی عہدیداران سے ملاقات کے موقع پربات چیت کررہے تھے،رہنما?ں نے مزید کہا کہ جس طرح تحریک انصاف کراچی کی ضلعی تنظیمیں فعال ہو رہی ہیں انشا ئ اللہ بہت جلد مختلف برادریاں اور سیاسی جماعتوں سے بڑی تعداد میں سیاسی کارکنان پی ٹی آئی میںشمولیت اختیار کریں گے۔

ضلع وسطی میں تحریک انصاف کو یونین کونسل سے لے کر وارڈ اور وارڈ سے لے کر بلاک تک تنظیم مضبوط بنائیں گے،انشائ اللہ وہ وقت دور نہیں جب ضلع وسطی میں تحریک انصاف ایک مضبوط اور منظم جماعت بن کر ابھرے گی، تحریک انصاف لسانیت اور فرقہ واریت سے بالا تر ہو کر پاکستانیت کے پرچار کے لئے اصولی اور نظریاتی سیاست کے لئے جدوجہد کر رہی ہے۔