بلاول بھٹو زرداری کے سیاست میں متحرک ہونے کے بعد مخالفین بوکھلاہٹ کا شکار ہو گئے ہیں

پیپلزپارٹی کے رہنما سینیٹرسعید غنی کابیان

ہفتہ 3 دسمبر 2016 18:32

بلاول بھٹو زرداری کے سیاست میں متحرک ہونے کے بعد مخالفین بوکھلاہٹ کا ..

اسلام آباد(اُردو پوائنٹ اخبارتازہ ترین - آئی این پی۔ 03 دسمبر2016ء) پاکستان پیپلزپارٹی کے رہنما سینیٹرسعید غنی نے کہا ہے کہ چیئرمین پاکستان پیپلزپارٹی بلاول بھٹو زرداری کے سیاست میں متحرک ہونے کے بعد پاکستان پیپلزپارٹی کے مخالفین بوکھلاہٹ کا شکار ہو گئے ہیں۔ ہفتہ کو اپنے ایک بیان میں سینیٹر سعید غنی نے کہا کہ 2013ء کے انتخابات آراوز کے انتخابات تھے۔

(جاری ہے)

پنجاب میں ملک اسحاق اور کے پی کے میں حکیم اللہ محسود انتخابات کے نگران تھے جنہو نے بندوق کے زور پر انتخابات چوری کئے۔ سینیٹر سعید غنی نے کہا کہ آئندہ انتخابات میں ہمارا مقابلہ شدت پسندوں کے حامیوں سے ہوگا۔ شدت پسندوں کے خلاف آپریشن صرف سندھ میں ہورہا ہے، کے پی کے اور پنجاب میں نہیں۔ سینیٹر سعید غنی نے کہا کہ پی ٹی آئی اور ن لیگ کا مک مکا کیا ہوا ہے اس لئے پی ٹی آئی، قومی اسمبلی کے بائیکاٹ کا ڈرامہ کرکے نواز لیگ کو من مانی کرنے کا موقع دے رہی ہے اور ہر قدم پر نواز شریف کو ریلیف دلاتی آئی ہے۔