احمد کو جلد ویزا جاری کردیا جائے گا، امریکی قونصل جنرل کی وزیراعلی سندھ کو یقین دہانی

ہفتہ 3 دسمبر 2016 17:34

کراچی (اُردو پوائنٹ اخبارتازہ ترین - این این آئی۔ 03 دسمبر2016ء) امریکی قونصل جنرل نے وزیراعلیٰ سندھ کو لاڑکانہ کیڈٹ کالج کے طالب علم احمد اور اہل خانہ کے ویزے جلد جاری کرانے کی یقین دہانی کرادی۔ہفتہ کو وزیر اعلی سندھ سید مراد علی شاہ نے امریکی قونصل جنرل سے ملاقات کی ملاقات میں وزیر تعلیم جام مہتاب، چیف سیکریٹری رضوان میمن سمیت دیگر نے شرکت کی ۔

(جاری ہے)

اس موقع پر وزیراعلی نے امریکی قونصل جنرل کو لاڑکانہ کیڈٹ میں تشدد کا شکار ہونے والے احمد اور اہل خانہ کے ویزہ کاغذات حوالے کئے اور جلد از جلد ویزہ فراہم کرنے کی درخواست کی امریکی قونصل جنرل نے وزیر اعلیٰ سندھ مراد علی شاہ کو یقین دہانی کرائی کہ انسانی ہمدردی کی بنیاد پر جلد احمد کو ویزہ مہیا کردیا جائے گا جس پر مراد علی شاہ نے ان سے اظہار تشکر کیا۔واضح رہے کہ لاڑکانہ کیڈٹ کالج میں استاد کے ہاتھوں تشدد کا شکار ہونے والے احمد کو وزیراعلی سندھ کی ہدایت پر بنائے جانے والے میڈیکل بورڈ نے بیرون ملک منتقل کرنے کی سفارش کی تھی۔

متعلقہ عنوان :