چین پاکستان اقتصادی راہداری منصوبہ کے تناظر میں پی آئی اے کی چوتھی پرواز ہفتہ کو بیجنگ کے لئے روانہ ہوگی

ہفتہ 3 دسمبر 2016 15:15

اسلام آباد ۔ (اُردو پوائنٹ اخبارتازہ ترین - اے پی پی۔ 03 دسمبر2016ء) چین پاکستان اقتصادی راہداری منصوبہ کے تناظر میں پاکستان انٹرنیشنل ائیرلائن (پی آئی ای) کی چوتھی پروازہفتہ کو کراچی سے بیجنگ کے لئے روانہ ہوگی۔

(جاری ہے)

پی آئی اے کے مطابق نئی پرواز ائیربس پی کے 855کراچی سے اسلام آباد کے راستے بیجنگ جائے گی۔ بیجنگ کے لئے مسافروں کی تعداد میں روز بروز اضافہ ہو رہا ہے جس کی وجہ سے پی آئی اے نے آئندہ سال جنوری سے ائیربس 310کی بجائے بوئنگ 777شروع کرنے کا فیصلہ کیا ہے۔ توقع ہے کہ ان نئی پروازوں سے پی آئی اے کے ریونیو میں اضافہ ہوگا۔