سپیکر قومی اسمبلی سردار ایاز صادق کا اراکین پارلیمنٹ کے لئے لیکچر سیریز شروع کرنے کا فیصلہ

ہفتہ 3 دسمبر 2016 15:16

اسلام آباد ۔ (اُردو پوائنٹ اخبارتازہ ترین - اے پی پی۔ 03 دسمبر2016ء) سپیکر قومی اسمبلی سردار ایاز صادق نے اراکین پارلیمنٹ کے لئے لیکچر سیریز شروع کرنے کا فیصلہ کیا ہے جس میں اراکین کو قومی اسمبلی میں موجود تجربہ کار اراکین اپنی مہارت کے شعبوں میں لیکچر دیں گے۔

(جاری ہے)

ذرائع کے مطابق یہ لیکچر پاکستان انسٹیٹیوٹ آف پارلیمنٹری سروسز(پپس) میں ہوں گے۔ اس کا آغاز جلد کیا جائے گا۔ اس میں انڈسٹریز کے حوالے سے ملک پرویز ، فاٹا امور پر گلزار خان،دفاعی امور پر جنرل (ر) عبدالقادر بلوچ ، رانا محمد افضل سمیت دیگر اہم اراکین اپنے اپنے شعبوں کے حوالے سے لیکچر دیں گے۔