خصوصی افراد کی نگہداشت ، تعلیم و تربیت اور مفادات کا تحفظ معاشرے کے ہر فرد کی ذمہ داری ہے،ممنون حسین
ہمارے یہ بچے اپنی صلاحیتوں کے اعتبار سے کسی سے طرح کم نہیں ،معاشرے کا انتہائی پیارا اور قابل قدر حصہ ہیں،ہماری زندگی کا ہر دن ان کیلئے وقف ہے، صدمملکت کا معذوروں کے عالمی دن کے موقع پرتقریب سے خطاب
ہفتہ 3 دسمبر 2016 14:38
(جاری ہے)
ہم ان سے محبت کرتے ہیں ، انھیں دل سے قریب رکھتے ہیں اور زندگی کی دوڑ میں انھیں بھرپور طور پر شریک کرنے کیلئے خلوصِ نیت سے کام کر رہے ہیں۔ اس لیے ہماری زندگی کا ہر دن ان کے لیے وقف ہے۔انہوں نے کہا کہ پاکستانی معاشرہ دنیا کے ان خوش قسمت ترین معاشروں میں نمایاں ہے جس میں خدمتِ خلق کے عظیم مقصد کے لیے لوگ فراخ دلی سے تعاون کرتے ہیں۔
یہ امر بھی باعثِ اطمینان ہے کہ خصوصی افراد اور بچوں کی تعلیم و تربیت اور بہبود کے لیے نجی سطح پر بھی قابل قدر کام ہو رہا ہے جس پر میں ان تمام اداروں اور ان میں کام کرنے والے کارکنوں اور ذمہ داروں کو خراج تحسین پیش کرتاہوں اور توقع رکھتا ہوں کہ یہ تمام لوگ اپنی خدمات کے دائرے اور معیار میں وسعت لاکر اس نیک کام میں شریک رہیں گے۔انہوں نے کہا کہ حکومت کاکردار اس اعتبار سے بڑھ جاتا ہے کہ بہت سے ضروری اقدامات سرکاری انتظامات کے تحت ہی ممکن ہو سکتے ہیں۔ اس سلسلے میں بعض ادارے کیڈ کے زیر انتظام مصروفِ عمل ہیں اور بہت سے دیگر ادارے وفاقی اور صوبائی حکومتوں کے تحت کام کر رہے ہیں جن میں خصوصی اسکولز ، ری ہیبلی ٹیشن سنٹر اور دیگر ادارے شامل ہیں۔ یہ تمام سرگرمیاں جامع پالیسیوں اور ان کے تحت وضع کیے گئے قوانین کے ذریعے عمل میں آتی ہیں لیکن یہ پالیسیاں اور قوانین اس وقت تک فعال اور مفید کردار ادا نہیں کر پاتے جب تک معاشرہ خوش دلی سے ان کی تائید نہ کرے اور اپنے طور پر اس نیک کام میں اپنا حصہ نہ ڈالے۔ صدرمملکت نے کہا کہ وزارت کیڈ اور دیگر تمام سرکاری ادارے اپنی کار کردگی کو مزید مؤثر بنائیں گے اور خصوصی افراد ، خاص طور پر بچوں کو زندگی کی دوڑ میں شریک کرنے کے لیے بھرپور محنت کریں گے کیونکہ یہ ایسا کام ہے جس سے رضائے الٰہی کا حصول بھی ممکن ہو گا اور معاشرے میں حسن اور نکھار بھی پیدا ہو گا۔انہوں نے بچوں کو مخاطب کرتے ہوئے کہا کہ اس موقع پر میں پورے پاکستانی معاشرے کی نمائندگی کرتے ہوئے آپ کوبتانا چاہتا ہوں کہ آپ سب لوگ بھی ہمارے معاشرے کا اہم حصہ ہیں۔ آپ سے صرف آپ کے والدین اور بہن بھائی ہی نہیں بلکہ پورا معاشرہ محبت کرتا ہے۔ آپ خود کو کسی سے کم نہ سمجھیں اور یقین رکھیں کہ آپ سب لوگ بھی عام بچوں کی طرح تعلیم حاصل کر سکتے ہیں اور بڑے بڑے عہدوں پر پہنچ سکتے ہیں۔ میں چاہتا ہوں کہ آپ بھی اپنی معذوری سے نہ گھبرائیں بلکہ محنت کرتے ہوئے دنیا میں ممتاز مقام حاصل کرلیں۔انہوں نے خصوصی بچوں کے والدین سے بھی کہا کہ وہ ان بچوں کی تعلیم ، ذہنی و جسمانی تربیت ، صحت ، سیرو تفریح اور دیگر حقوق کا خاص طور پر خیال رکھیں تاکہ وہ اپنے بچوں کو معاشرے کا بہترین شہری بناسکیں۔ وہ خصوصی بچوں کو ظلم اور ہر طرح کے استحصال سے بچانے کی ہر ممکن کوشش کریں۔ اس کے ساتھ ہی یہ معاشرے کی بھی ذمہ داری ہے کہ وہ خصوصی افراد اور بچوں کی آواز کو سنے اور ان کے حقوق کے تحفظ کے لیے پورے خلوص کے ساتھ کام کرتا رہے۔ امید رکھتا ہوں کہ پورا معاشرہ خصوصی افراد اور بچوں کی فلاح و بہبود اور ان کے حقوق کے تحفظ کو یقینی بنانے میں اپنا کردار ادا کرے گا۔انھوں متعلقہ وزارت کو ہدایت کی کہ وہ نابینا افراد کے لیے اردو سافٹ وئیر تیار کرے اس سلسلے میں ایوان صدر بھی اس سے تعاون کرے گا انھوں نے اسپیشل بچوں کو تربیت دینے والے اساتذہ کو الاؤنس دینے کی ہدایت کی اور پبلک مقامات پر خصوصی افراد کے لیے سہولتیں فراہم کرنے کی ہدایت کی، انھوں نے ملازمتوں میں خصوصی افراد کے کوٹے پر مکمل عمل درآمد کا یقین دلایا۔صدر مملکت نے اس موقع پر خصوصی بچوں کی تیار کی ہوئی اشیا کے مختلف اسٹالز کا بھی معائنہ کیا اور ان کے بہترین معیار کی داد دی۔اس موقع پر کیف کے وزیر مملکت ڈاکٹر طارق فضل چوہدری ، ورلڈ بلائنڈ کرکٹ کے صدر سید سلطان شاہ اور ایک خصوصی طالب علم محمد فراز نے بھی اپنے خیالات کا اظہار کیا۔پروگرام کی تمام تر کارروائی کی ترجمانی اشاروں کی زبان میں بھی کی گئی۔تقریب آخر میں صدر مملکت بچوں میں گھل مل گئے، ان کی کارکردگی کی داد دی، انھیں شیلڈ پیش کیں اور ان کے ساتھ گروپ فوٹو بھی بنوایا۔اس موقع پر ایک خصوصی پچے نے اپنے ہاتھ سے بنائی ہوئی ان کی تصویر بھی انھیں پیش کی۔تقریب میں خصوصی بچوں کے ٹیبلو اور دوسری پرفارمنس دیکھ کر حاضرین نے دل کھول کر داد دی۔متعلقہ عنوان :
مزید اہم خبریں
-
وفاقی وزیر داخلہ محسن نقوی کی وزیر اعلیٰ ہاؤس پشاور آمد
-
صدرمملکت آصف علی زرداری سے برطانوی ہائی کمشنر جین میریٹ کی ملاقات
-
ٹوبہ ٹیک سنگھ میں بھائی کے ہاتھوں بہن کے قتل کے حوالے سے ہولناک انکشافات
-
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
-
وزیراعلیٰ پنجاب مریم نوازکا لاہوررنگ روڈ سدرن لوپ تھری پراجیکٹ کا دورہ ، منصوبہ جلد مکمل کرنے کا حکم
-
سائنسی بنیاد پر رمضان کا چاند 29 کا ہونے کا امکان
-
وزیراعلی مریم نوازکی زیر صدارت اجلاس، پنک راک سالٹ کی خام حالت میں برآمدپر پابندی پراتفاق
-
چوہدری پرویزالہٰی کی سی ٹی اسکین رپورٹ ڈاکٹرز کو موصول
-
نیپرا نے کےالیکٹرک سمیت ملک بھر کیلئے بجلی مہنگی کردی
-
چئیرمین رویت ہلال کمیٹی نے پاکستان میں سائنسی بنیاد پر عید الفطر کی تاریخ بتا دی
-
پنجاب حکومت کا کاشتکاروں کو60 فیصد سبسڈی پر 56 اقسام کی زرعی مشینری دینے کا فیصلہ
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.