پشاور میں پولیس اور سیکیورٹی فورسز کی مشترکہ کارروائی ،253افراد گرفتار

ہفتہ 3 دسمبر 2016 12:05

پشاور(اُردو پوائنٹ اخبارتازہ ترین - آئی این پی۔ 03 دسمبر2016ء) سیکیورٹی فورسز نے پشاور کے مختلف علاقوں میں سرچ آپریشن کر کے 253افرادکو گرفتار کر لیا۔ پولیس اور سیکیورٹی فورسز نے تاج آباد ،امید آباد ،ناصر باغ اور کار خانو مارکیٹ میں سرچ آپریشن کیا جس میں 253افراد کو گرفتار کیا گیا۔

(جاری ہے)

کارروائیوں میں 222مشتبہ افراد اور کرایہ داری کے کوائف مکمل نہ کرنے پر 31افراد کو گرفتار کیا گیا۔پولیس حکام کے مطابق سرچ آپریشن میں 140گھروں ،3ہوٹلوں اور 4ہاسٹلوں کی تلاشی لی گئی۔انہوں نے بتا یا کہ اس دوران ملزمان کے قبضے سے 9پستول ،سینکڑوں کارتوس اور شراب کی بوتلیں برآمد ہوئی ہیں۔