جشن آمد رسول ؐ کی تیاریاں پورے آب و تاب سے جاری‘چہار سو برقی قمقموں کی بہار

مساجد اور گھروں کی سجاوٹ ‘ہر طرف ’’سوہنا آیا تے سج گئے گلیاں بازار‘‘کی صدائیں سنائی دینے لگیں

ہفتہ 3 دسمبر 2016 12:05

لاہور/اسلام آباد/ کراچی/ اوکاڑہ (اُردو پوائنٹ اخبارتازہ ترین - آئی این پی۔ 03 دسمبر2016ء) جشن آمد رسول ؐ کی تیاریاں زور و شور سے جاری ہیں۔ چراغاں شروع ہو گیا۔ عمارتیں سج گئیں۔ مختلف شہروں میں عاشقان رسول نے ریلیاں بھی نکالیں۔ تفصیلات کے مطابق ربیع الاول کا آغاز ہوتے ہی عید میلاد النبیؐ کی تیاریاں زور و شور سے شروع ہو گئیں۔شہر شہر، قریہ قریہ عاشقان رسول اپنے اپنے انداز سے نبی آخر الزماں حضرت محمد مصطفیٰ ؐسے اپنی عقیدت و محبت کے اظہار کے لیے خصوصی اہتمام کرتے ہیں۔

کہیں ریلیاں نکالی جاتی ہیں تو کہیں خصوصی محافل سجائی جاتی ہیں۔

(جاری ہے)

عمارتوں پر چراغاں کیا جاتا ہے، سڑکیں، بازار اور گلیاں بقعہ نور بن جاتی ہیں۔ اس بار بھی جشن آمد رسولؐ کے سلسلے میں تیاریاں پوری آب و تاب سے جاری ہیں۔قصور میں ربیع الاول کا آغاز ہوتے ہی مساجد اور گھروں کو سجایا جا رہا ہے۔ ہر طرف ’’سج گئے گلیاں بازار‘‘کی صدائیں سنائی دے رہی ہیں۔ مساجد اور گھروں میں محافل میلاد کا انعقاد کیا جا رہا ہے۔ قصور کی طرح ملک کے دیگر شہروں میں بھی جشن میلاد کی تیاریاں بھرپور طریقے سے جاری ہیں۔ گوجرانوالا، حافظ آباد، وہاڑی، اوکاڑہ، شجاع آباد اور ملکوال سمیت مختلف شہروں میں شمع رسالت کے پروانوں نے میلاد ریلیاں بھی نکالیں۔

Facebook Twitter Google + Share on Whatsapp

جشن آمد رسول ؐ کی تیاریاں پورے آب و تاب سے جاری‘چہار سو برقی قمقموں کی بہار

مساجد اور گھروں کی سجاوٹ ‘ہر طرف ’’سوہنا آیا تے سج گئے گلیاں بازار‘‘کی صدائیں سنائی دینے لگیں

مزید قومی خبریں