کوئٹہ ،فرنٹیئر کور اور پولیس کا تربت کے علاقے میں کومبنگ آپریشن

غیر قانونی طور پر رہائش پذیر باشندے گرفتار ،اسلحہ برآمد

جمعہ 2 دسمبر 2016 22:20

کوئٹہ (اُردو پوائنٹ اخبارتازہ ترین - آن لائن۔ 02 دسمبر2016ء) فرنٹیئر کور اور پولیس کے عملے نے تربت کے علاقے کومبنگ آپریشن کے دوران غیر قانونی طور پر رہائش پذیر باشندوں کو گرفتار کرکے اسلحہ برآمد کر لیا جبکہ ایک اور کا رروائی میں2 جرائم پیشہ ملزمان کو گرفتار کر کے اسلحہ اور منشیات کو قبضے میں لے لی یہاں آمدہ اطلاعات کے مطابق گزشتہ روز فرنٹیئر کور اور پولیس کے عملے نے تربت ائیر پورٹ سے ملحقہ علاقوں میں کومبنگ آپریشن کے دوران غیر قانونی طور پر بغیر کسی قانونی دستاویزات کے رہائش پذیر متعدد باشندوں کو گرفتار کر کے ان کے قبضے سے اسلحہ برآمد کر لیا اسی طرح تربت کے علاقے گورکھ باغ میں کا رروائی کر تے ہوئے 2 جرائم پیشہ افراد کو گرفتار کر کے ان کے قبضے سے منشیات اور اسلحہ قبضے میں لے لیا مزید کا رروائی مقامی انتظامیہ کر رہی ہے۔