تنازع کشمیر کی وجہ سے خطہ کسی بھی وقت تباہ کن ایٹمی جنگ کی لپیٹ میں آسکتا ہے ،بھارت کی اشتعال انگیزیوں اور ایل او سی اور بارڈر پرآئے روزگولہ باری معمول بن چکی ہے ، جنگ شروع ہوئی تو کسی ایک علاقے تک محدود نہیں رہے گی ،حکمران بھارتی اشتعال انگیزیوں سے عالمی برادری کو آگاہ کرنے اور اعتماد میں لینے میں ناکام رہے ہیں ، کشمیر فلسطین اور برماسمیت دنیا بھر میں مسلمانوں کو گاجر مولی کی طرح کاٹا جارہا ہے،ا قوام متحدہ اور عالمی برادری خاموش تماشائی بنی ہوئی ہے
امیر جماعت اسلامی پاکستان سینیٹر سراج الحق کا دیر میں نماز جمعہ کے اجتماع سے خطاب
جمعہ 2 دسمبر 2016 20:56
(جاری ہے)
وہ دیر کے علاقہ میدان میں نماز جمعہ کے بڑے اجتماع سے خطاب کر رہے تھے۔سینیٹر سراج الحق نے کہا کہ دنیا بھر میں مسلمان ظلم و جبر کا شکار ہیں مگر اقوام متحدہ اور عالمی برادری مسلمانوں کے خلاف ہونے والے مظالم پر خاموش تماشائی بنی ہوئی ہے ۔
کشمیر میں بھارت کشمیریوں کی نسل کشی کررہا ہے ،کشمیریوں کی جدوجہد آزادی کو کچلنے اور انہیں حق خود ارادیت کے مطالبے سے روکنے کیلئے بھارتی قابض افواج کشمیریوں کو چن چن کرقتل کررہی ہے ،عام شہریوں کو ظلم وتشدد کا نشانہ بنایا جارہا ہے ۔کشمیری عوام کو مساجد میں جمعہ کی نماز تک پڑھنے کی اجازت نہیں ،ان حالات میں عالمی برادری کا فرض ہے کہ وہ کشمیر،فلسطین اور برما میں مسلمانوں کے قتل عام کا نوٹس لے ۔انہوں نے عالم اسلام کے حکمرانوں سے بھی مطالبہ کیا کہ وہ عالمی سامراج کی غلامی کا رویہ ترک کرکے امت کے مسائل کے حل کیلئے اپنی ذمہ داریاں پوری کریں ۔انہوں نے مطالبہ کیا کہ اقوام متحدہ اپنے وعدے کے مطابق کشمیریوں کوحق خود ارادیت دلائے اور برما میں جاری مسلمانوں کا قتل عام اور ان کی آبادیوں اور مساجد کو جلانے کا سلسلہ بند کروائے۔سینیٹر سراج الحق نے کہا کہ حکمرانوں کیلئے اس وقت سب اہم مسئلہ خود کو پانامہ لیکس سے چھٹکارا دلانا رہ گیا ہے اور پوری حکومت اسی مسئلے میں الجھی ہوئی ہے ۔انہوں نے کہا کہ اگر حکمران خود کو احتساب کیلئے پیش کردیتے اور ملک میں احتساب کا شفاف نظام قائم کرنے کی طرف توجہ دیتے تو آج انہیں یہ دن نہ دیکھنا پڑتا ۔انہوں نے کہا کہ حکمرانوں کا فائدہ اسی میں ہے کہ ادھر ادھر ہاتھ مارنے کی بجائے حقائق کو تسلیم کرتے ہوئے خود کو احتساب کیلئے پیش کردیں ۔ملک سے کرپشن کے خاتمہ کی سب سے بڑی ذمہ داری خود حکمرانوں پر عائد ہوتی ہے ،ہم موجودہ حکمرانوں کے ساتھ ساتھ سابقہ حکومتوں کا بھی محاسبہ چاہتے ہیں اور ہمارا مطالبہ ہے کہ زرداری اور مشرف حکومتوں کا بھی مکمل آڈٹ کرکے تمام لٹیروں کو عدالت کے کٹہرے میں کھڑا کیا جائے تاکہ قومی خزانے سے لوٹی گئی ایک ایک پائی وصول کی جاسکے اور جن لوگوں نے قوم کے خون پسینے کی کمائی کو ذاتی عیش و عشرت اور اللوں تللوں پر خرچ کیا ہے وہ بے نقاب ہوسکیں۔مزید قومی خبریں
-
چیئرمین یوتھ پروگرام رانا مشہود احمد خاں کی کے ڈپٹی گورنر سٹیٹ بینک سلیم اللہ سےملاقات
-
ملک کو درپیش چیلنجز سے نبردآزما ہونے کے لئے مربوط کوششوں کے ساتھ موثر حکمت عملی اختیار کرنا ہوگی ،چیئرمین سینیٹ
-
خیبرپختونخوا،غیرت کے نام پرقتل کے الزام میں 3 مشتبہ افراد گرفتار
-
دفعہ 144 کی خلاف وزری کا کیس: رہنما پی ٹی آئی اعظم سواتی کی ضمانت کنفرم
-
مئی کیس،شیخ رشید کی 3 مقدمات میں بریت کی درخواست پر نوٹس جاری
-
منشیات کی لعنت کوجڑسے ختم کرنے کیلئے پنجاب پولیس کا کریک ڈائون جاری
-
گزشتہ 14 ماہ میں ملتان ریجن پولیس ملازمین کی 3758 اپیلوں پر فیصلہ سنایا گیا
-
نان سٹمپڈ اورجعلی سگریٹس کی فروخت کے خلاف ملک گیر کریک ڈاؤن ،96 ملین روپے مالیت کے سگرٹیس ضبط
-
معروف عالم دین ڈاکٹر اسرار احمد کا یوم پیدائش 26 اپریل کو منا یاجائے گا
-
دریائوں اور آبی ذخیروں میں پانی کی صورتحال
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
وزیراعلی نے حالیہ سیلاب متاثرین کیلئے بھروقت اقدامات کرکے اپنی مخلصی اور عوام دوستی کا واضع ثبوت دے دیا،صادق سنجرانی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.