صو بے بھر میں ڈکیتی کی بڑھتی ہوئی ور داتوں کی وجہ سے عوام بد امنی اور عدم تحفظ کاشکار ہیں ‘یاسمین راشد

جمعہ 2 دسمبر 2016 19:53

لاہور (اُردو پوائنٹ اخبارتازہ ترین - این این آئی۔ 02 دسمبر2016ء) پاکستان تحریک انصاف کی مرکزی رہنما ڈاکٹر یا سمین راشد نے کہا ہے کہ لاہور سمیت صو بے بھر میں چوری اور ڈکیتی کی بڑھتی ہوئی ور داتوں کی وجہ سے عوام بد امنی اور عدم تحفظ کاشکار ہیں ، صوبے بھر میں ڈاکو راج قائم ہے عوام دن دیہاڑے لٹ رہے ہیں ، لاہور میں حکومتی ایم این اے کو چور سر عام لوٹ رہے ہیں تو پھر عام آدمی کا تو اللہ ہی حافظ ہے ۔

اپنے ایک بیان میں انہوںنے کہاکہ حکومتی رٹ نظر نہیں آ رہی ، انتظامیہ بے بس ہو چکی ہے ڈولفن فورس کا ڈھنڈورا پیٹنے والے نام نہاد وزیر اعلیٰ شہباز شریف کے منہ پر طمانچہ ہے ۔

(جاری ہے)

انہوں نے کہا کہ پنجاب پولیس نے عوام کو چوروں اور ڈاکوئوں کے رحم و کرم پر چھوڑ دیا ہے، ہزار وںکی تعد اد میںا شتہاری پنجاب میں دنندناتے پھر رہے ہیں انہیں کوئی پکڑنے والا نہیں پولیس عوام کے جا ن و مال کا تحفظ کو یقینی بنائے جانے کے بجائے شریف خاندان کو پروٹوکول دینے اور انکی حفاظت پر معمور ہے ، پنجاب حکومت کی گڈ گورنس نا اہلی اور ناکامی کھل کر عوام کے سامنے آگئی ہے ، ، انہوں نے کہاکہ (ن) لیگ کے وزراء کا ٹولہ اپنی ذمہ داریوں کو چھوڑ کر نواز شریف کو بچانے میں لگا ہوا ہے یہ جھوٹ بول کر نواز شریف کو بچانے میں کامیاب نہیں ہونگے ، درباری دن رات نواز شریف کی کرپشن کا دفاع اور عمران خان پر بے بنیاد الزام تراشی کرنے پر لگے ہوئے ہیں اور چور مچا ئے شور کا کردار ادا کر رہے ہیں ۔

Facebook Twitter Google + Share on Whatsapp

صو بے بھر میں ڈکیتی کی بڑھتی ہوئی ور داتوں کی وجہ سے عوام بد امنی اور عدم تحفظ کاشکار ہیں ‘یاسمین راشد

متعلقہ عنوان :

مزید اہم خبریں