سینیٹ قائمہ کمیٹی قوائد ضوابط و استحقاق نے نیشنل بنک کی طرف سے ایوان بالا کا استحقاق مجروح کرنے کی تحریک پر رائے کیلئے ماہرین قانون کو مدعو کرلیا
نیشنل بنک حکام خود کو قانون کے مطابق معلومات دینے کا پابند نہیں سمجھتے ، سیکرٹری خزانہ پارلیمنٹ سپریم ادار ہے،ایوان بالا کو ان کیمرہ معلومات دیں یا اوپن،لیکن دینا پڑیگی،چیئرمین کمیٹی کے ریمارکس
جمعہ 2 دسمبر 2016 19:43
(جاری ہے)
جمعہ کو سینیٹ کی قائمہ کمیٹی برائے قوائد ضوابط کا اجلاس چیئرمین سینیٹر جہانزیب جمالدین کی زیرصدارت پارلیمنٹ ہائوس میں ہوا۔
جس میں ممبران کمیٹی سینیٹر سلیم ضیاء،سینیٹر نگہت مرزا،سینیٹر سعید غنی،محرکان شاہی سید،دائود خان اچکزئی ،وزرات پانی و بجلی،وزارت خزانہ ،سٹیٹ بنک اور نیشنل بنک کے حکام نے شرکت کی۔اجلاس میں سینیٹر شاہی سید کی وزارت پانی و بجلی حکام،سینیٹر دائود خان اچکزئی کی چیف سیکرٹری بلوچستان اور خیبرپختونخوا اور ایوان بالا کی استحقاق مجروح کیے جانے پر وزارت خزانہ اور نیشنل بنک حکام کے خلاف تحاریک کا جائزہ لیا گیا۔سینیٹ کی قائمہ کمیٹی برائے مواصلات کے چیئرمین دائود خان اچکزئی نے کمیٹی کو آگاہ کیا کہ وزیراعظم نے سی پیک کیلئے زمین کے حصول کے معاملے پر چیف سیکرٹری بلوچستان،چیف سیکرٹری کے پی کے اور چیئرمین این ایچ اے پر مشتمل کمیٹی قائم کی تھی جس سے ہماری کمیٹی نے 2015میں 6رویہ موٹروے کیلئے زمین کے حصول سے متعلق پیش رفت رپورٹ مانگی تھی لیکن ایک سال سے اوپر ہوگیا نہ معلومات دی گئیں اور نہ ہی چیف سیکرٹریز پیش ہوئے،چیف سیکرٹریز کی نمائندگی کرنے والے افسران نے کمیٹی کو آگاہ کیا کہ وزیراعظم کے ساتھ میٹنگ کی مصروفیت کے باعث چیف سیکرٹری پیش ہوئے جس پر چیئرمین کمیٹی نے کہا کہ بلوچستان میں ابھی تک سی پیک کیلئے کوئی روڈ نہیں بنا،انہی پرانی سڑکوں اور کچے پکے راستوں پر گاڑیاں چل رہی ہیں،سی پیک کا مستقبل کیا ہوگا،کے پی کے اور بلوچستان کے ساتھ زیادتی ہورہی ہے،کمیٹی نے 13دسمبر کو ہونے والے اجلاس میں دونوں صوبوں کے ایڈیشنل سیکرٹریز کو طلب کرلیا جبکہ مواصلات کے چیئرمین کمیٹی کی طرف سے بھی متعلقہ چیف سیکرٹریز کو آئندہ اجلاس میں حاضری یقینی بنانے کی ہدایت کردی گئی۔چیئرمین سینیٹ کی رولنگ کے باوجود ایوان بالا میں نیشنل بنک کی طرف سے قرضے معاف کرانے والوں بارے تحریک استحقاق پر کمیٹی نے آئندہ اجلاس میں ماہرین قانون کو طلب کرلیا،جو کہ اس بات کا جائزہ لیں گے کہ کیا کوئی ادارہ پارلیمنٹ سے معلومات مخفی رکھ سکتا ہے یا نہیں۔سیکرٹری خزانہ وقار مسعود نے اس پر ردعمل دیتے ہوئے کہا کہ نیشنل بنک حکام کی طرف سے کنفرم کیا گیا ہے کہ قانون کے مطابق اس سوال کا جواب دینے کے پابند نہیں،اس حوالے سے جسٹس (ر) سرمد عثمانی کا بیان بھی آیا ہے۔سینیٹر سعید غنی نے کہا کہ سرمد عثمانی ریٹائر جج ہیں، ان کے کمنٹس کو آپ چیئرمین سینیٹ کی رولنگ کے اوپر نہیں رکھ سکتے،رولز میں تو شاید عدالت کو بھی معلومات دینے کے پابند نہ ہوں لیکن پھر بھی دیتے ہیں،پارلیمنٹ اتنا گیا گزرا نہیں کہ اس طرح کی عام سی معلومات بھی فراہم نہ کی جائیں۔اسٹیٹ بنک حکام چیئرمین سینیٹ کی رولنگ پر رویو چاہتے تھے تو خود ان سے رابطہ کرتے،کمیٹی کا اپنا اختیار ہے،تحریک استحقاق کو ایسے نہیں چھوڑ سکتے،اعتزاز احسن،بابر اعوان اور فاروق ایچ نائیک جیسے ماہرین قانون کو بلایا جائے اور ان سے رائے لی جائے۔چیئرمین کمیٹی نے کہا کہ پارلیمنٹ سپریم ادارہ ہے،میڈیا سے پرابلم تھی تو ان کیمرہ جواب دے دیتے لیکن ایوان بالا کو جواب دینا چاہیے تھا۔(خ م+ار)مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.