پی آئی اے کا عمان کیلئے پروازوں کا آغاز،ہفتہ وار 2 پروازیں جمعرات اور اتوار کو لاہور سے براہ راست روانہ ہوا کرینگی

جمعرات 1 دسمبر 2016 21:48

کراچی/لاہور(اُردو پوائنٹ اخبارتازہ ترین - آئی این پی۔ 01 دسمبر2016ء) پی آئی اے نے جمعرات سے عمان کے شہر صلالہ کیلئے پروازوں کا آغاز کر دیا ۔

(جاری ہے)

پہلی پرواز PK235 جمعرات کو ہی لاہور سے دوپہر 12.30 پر روانہ ہوئی،صلالہ کے لئے ہفتہ وار 2 پروازیں جمعرات اور اتوار کے روز لاہور سے براہ راست روانہ ہوا کریں گی،ترجمان پی آئی اے کے مطابق پی آئی اے پہلے ہی مسقط کیلئے پروازیں چلا رہی ہے ،ان 2 نئی ہفتہ وار پروازوں کے اضافہ سے پی آئی اے کے مسافروں کو براہ راست سفر کی سہولت میسر آئے گی اور دونوں ممالک کے درمیان تعلقات کو مزید فروغ حاصل ہو گا،اس موقع پر پی آئی اے کے چیف ایگزیکٹو آفیسر برنڈ ہلڈن برانڈ نے اپنے خیالات کا اظہار کرتے ہوئے کہا ہے کہ پی آئی اے اپنے طیاروں میں اضافہ کر کے منافع بخش روٹس اور خاص طور پر ان مقامات کیلئے پروازیںچلا رہی ہے جہاں پر پاکستانی تارکین وطن مقیم ہیں،لاہور ائر پورٹ سے پی آئی اے کے سینئر حکام نے افتتاحی پرواز کے مسافروں کو الوداع کیا۔