اکتوبر میں مہنگائی کے لحاظ سے شہر اقتدار سب پر بازی لے گیا

مہنگائی میں اضافے کی شرح 4 اعشاریہ 4 فیصد رہی

اتوار 27 نومبر 2016 16:00

اسلام آباد(اُردو پوائنٹ اخبارتازہ ترین - آن لائن۔ 27 نومبر2016ء) اکتوبر میں مہنگائی کے لحاظ سے شہر اقتدار سب پر بازی لے گیا جہاں مہنگائی میں اضافے کی شرح 4 اعشاریہ 4 فیصد رہی ادارہ شماریات کے اعددوشمار کے مطابق اکتوبر اسلام آباد میں رہنے والوں کے لئے سب سے زیادہ بھاری رہا کیونکہ مہنگائی کی دوڑ میں شہر اقتدار سب پر بازی لے گیا جہاں مہنگائی میں اضافے کی شرح 4 اعشاریہ 4 فیصد رہی۔

(جاری ہے)

کوئٹہ نے دوسرے مہنگے ترین شرح ہونے کا تاج اپنے سر سجایا۔ گذشتہ ماہ کوئٹہ میں مہنگائی کی شرح 3 اعشاریہ 3 فیصد رہی ، روشنیوں کا شہر اس مرتبہ تیسرے نمبر پر رہا جہاں مہنگائی کی شرح 3 فیصد رہی۔ لاہور بھی مہنگائی کی اس دوڑ میں زیادہ پیچھے نہ رہا ، 2 اعشاریہ 4 فیصد مہنگائی میں اضافے کے ساتھ چوتھے نمبر پر رہا جبکہ پشاور کے رہنے والے مہنگائی کے اس وار سے سب سے کم متاثر ہوئے جہاں مہنگائی کی شرح 1 اعشاریہ 6 فیصد رہی۔ اس طرح مجموعی طور پر اکتوبر میں مہنگائی کی شرح 4 اعشاریہ 2 فیصد ریکارڈ کی گئی۔

متعلقہ عنوان :