ڈاکٹر شیریں مزاری کا فیڈل کاسترو کی وفات پر افسوس کا اظہار

کیوبا ایک عظیم راہنما سے محروم ہو گیا،کاسترو کی تعلیمات کیوبا کی ہمیشہ راہنمائی کرتی رہیں گی،ترجمان چیئرمین پاکستان تحریک انصاف

ہفتہ 26 نومبر 2016 19:22

ڈاکٹر شیریں مزاری کا فیڈل کاسترو کی وفات پر افسوس کا اظہار

اسلام آباد(اُردو پوائنٹ اخبارتازہ ترین - این این آئی۔ 26 نومبر2016ء) ترجمان چیئرمین پاکستان تحریک انصاف ڈاکٹر شیریں مزاری کا فیڈل کاسترو کی وفات پر افسوس کا اظہارکرتے ہوئے کہا ہے کہ کیوبا ایک عظیم راہنما سے محروم ہو گیا،کاسترو کی تعلیمات کیوبا کی ہمیشہ راہنمائی کرتی رہیں گی۔ہفتہ کو جاری بیان میں شیریں مزاری نے کہا کہ کیوبا کے لیجنڈ کی موت افسوسناک خبر ہے۔

فیڈل کاسترو نے کیوبا کو امریکی سامراجی نظام سے آزاد کروایا۔

(جاری ہے)

انہوں نے کہا کے کاسترو نے امریکی طاقت کے سامنے جھکنے سے انکار کیا اور آخری وقت تک ڈٹ گیا۔ فیڈل کاسترو نے جنوبی افریقی ریاستوں کو استعماری سے آزاد ہونے میں مدد کی۔ شیریں مزاری نے مزید کہا کہ۲۰۰۵ میں پاکستان اور آزاد کشمیر کے زلزلے میں کیوبا کی مدد قابل تعریف ہے۔ کیوبا نے سرمایہ داری نظام کا کامیابی سے مقابلہ کیا اور اپنے خلاف امریکی سازشوں کو ناکام بنایا۔فیڈل کاسترو نے ثابت کیا کہ اپنی قوم کی طاقت سے دنیا کی بڑی سے بڑی طاقت سے مقابلہ کیا جاسکتاہے۔