ہم انتخاب لڑ کر مستعفی ہونے کے لیے نہیں آئے : وزیراعظم

ہفتہ 26 نومبر 2016 12:32

اشک آباد(اُردو پوائنٹ اخبارتازہ ترین - آن لائن۔ 26 نومبر2016ء) وزیراعظم نواز شریف نے کہا ہے کہ وہ انتخاب لڑ کر مستعفی ہونے کے لیے نہیں آئے،کوئی ایسا کام نہیں کیا جس سے جمہوریت کو نقصان پہنچے۔ انہوں نے یاد دلایا کہ عدلیہ کی بحالی کے لیے لانگ مارچ انہوں نے ہی کیا تھا۔ تفصیلات کے مطابق اشک آباد میں صحافیوں سے مختصر گفتگو کرتے ہوئے وزیراعظم نوازشریف کا کہنا تھا کہ دوہزار آٹھ میں ان کے اور شہبازشریف کے کاغذات نامزدگی مستردہوئے۔

انہوں نے ایسے انتخابات میں حصہ لیاجس کی نگرانی ق لیگ نے کی پھر بھی کسی سے استعفیٰ نہیں مانگا۔ وزیراعظم نے واضح کیا کہ وہ انتخابات لڑ کر مستعفی ہونے کیلئے نہیں آئے۔

(جاری ہے)

ا ن کا کہنا تھا کہ ان کی جماعت نے صوبائی حکومتوں کے ساتھ تعاون کیا اور انتخابات میں کامیابی کے باوجود بلوچستان میں حکومت نہیں بنائی،وزیر اعظم نے کہا کہ جب اقتدار میں آئے تو ملک میں انارگی پھیلے ہوئی تھی ،آج کا پاکستان کل سے بہت بہتر ہے ،دہشت گردی کا خاتمہ کر دیا گیا ہے ، معیشت دن بدن ترقی کرتی جارہی ہے جس کی دنیا معترف ہے ،لوڈشیڈنگ کے خاتمے کیلئے حکومت ترجیحی بنیادوں پر کام کررہی ہے انشاء اللہ آئندہ سال کے آخر تک اس کا بھی ہمیشہ کے لئے خاتمہ کر دیں گے اور ایک روشن پاکستان کا خواب پورا کریں گے ۔

Facebook Twitter Google + Share on Whatsapp

ہم انتخاب لڑ کر مستعفی ہونے کے لیے نہیں آئے : وزیراعظم

متعلقہ عنوان :

مزید اہم خبریں