آرمی چیف کی الوداعی تقریب سیاسی نہیں تھی،عمران خان کوبلا بھی لیتے تو کوئی حرج نہیں تھا ،ْمصدق ملک

جمعہ 25 نومبر 2016 15:40

اسلام آباد (اُردو پوائنٹ اخبارتازہ ترین - این این آئی۔ 25 نومبر2016ء) ترجمان وزیر اعظم مصدق ملک نے کہا ہے کہ پاکستان تحریک انصاف کے سربراہ عمران خان پارلیمنٹ میں نہیں آتے،وزیر اعظم ہائوس کیا جاتے ،ْآرمی چیف کو دی جانے والی الوداعی تقریب سیاسی نہیں تھی،اگر عمران خان کوبلا بھی لیتے تو کوئی حرج نہیں تھا۔

(جاری ہے)

نجی ٹی وی کے مطابق مصدق ملک نے کہا کہ آرمی چیف کو جتنا خراج تحسین پیش کیا جائے کم ہے ،ْاگربھارت ہماراایک فوجی شہید کرتا ہے تو ہم ان کی4لاشیں گراتے ہیں ،ْبھارت کشمیر سے نظریں ہٹا کر لائن آف کنٹرول پر لانا چاہتا ہے،اس پر دباو آیا تب ہی وہ اشتعال انگیزی کر رہا ہے۔

عمران خان پر تنقید کرتے ہوئے انہوںنے کہاکہ پی ٹی آئی نے پہلے کہا تھا ہمارے پاس ثبوتوں کے انبار لگے ہیں ،ْاب کہتے ہیں ہمارا نہیں (ن) لیگ اور عدالت کا معاملہ ہے ،ْشریف خاندان عدالت میں اپنے پر لگے ہر الزام کا جواب دے گا۔