نئے آرمی چیف کے تقررکافیصلہ رواں ہفتے ہوجائے گا،خواجہ آصف

راحیل شریف جوروشن مثال چھوڑکرجارہے ہیں ،نئے آنے والوں کواس پرقائم رہناہوگا، نجی ٹی وی سے گفتگو

پیر 21 نومبر 2016 23:10

نئے آرمی چیف کے تقررکافیصلہ رواں ہفتے ہوجائے گا،خواجہ آصف

اسلام آباد(اُردو پوائنٹ اخبارتازہ ترین - آن لائن۔ 21 نومبر2016ء) وزیردفاع خواجہ آصف نے کہاہے کہ نئے آرمی چیف کے تقررکافیصلہ رواں ہفتے ہوجائے گا،راحیل شریف جوروشن مثال چھوڑکرجارہے ہیں نئے آنے والوں کواس پرقائم رہناہوگا۔

(جاری ہے)

نجی ٹی وی کودیئے گئے انٹرویومیں انہوںنے کہاکہ جنرل راحیل شریف ایک روشن مثال چھوڑکرجارہے ہیں ،بعدمیں آنے والوں کواسے قائم رکھناہوگااوروہ 29نومبرکوریٹائرہورہے ہیں ،نئے آرمی چیف کاتقرررواں ہفتے ہوجائیگااورنئے چیف کے کندھوں پربڑی ذمہ داریاں ہوں گی ۔

انہوںنے کہاکہ نئے آرمی چیف کے تقررکے حوالے سے وزیراعظم کی اپنے رفقاء سے مشاورت ہوگی جنرل کیانی کی ریٹائرمنٹ کے دودن بعدوزیراعظم نے نئے آرمی چیف کااعلان کیاتھا۔انہوںنے کہاکہ دہشتگردی کے خلاف جنگ بڑی دلیری اورکامیابی کے ساتھ لڑی گئی کراچی میں امن قائم ہوا،نئے چیف کوان کامیابیوں کوآگے بڑھاناہوگا ۔(یاسرعباسی)