شہبازشریف نے عوامی خدمت کے نئے ریکارڈ قائم کیے ہیں ،شیرازی برادران

اتوار 20 نومبر 2016 23:10

لاہور۔20 نومبر(اُردو پوائنٹ اخبارتازہ ترین - اے پی پی۔ 20 نومبر2016ء) سندھ سے تعلق رکھنے والے شیرازی برادران نے پنجاب میں ہونے والی تیزرفتار ترقی اورمنصوبوں میں شفافیت کے کلچر کو پروان چڑھانے کے حوالے سے وزیراعلیٰ پنجاب محمد شہبازشریف کے اقدامات کوشاندار الفاظ میں سراہا ہے اور کہا ہے کہ وزیراعلیٰ شہبازشریف نے اپنی غیر معمولی صلاحیتوں کے ذریعے صوبے کے عوام کی جس طرح بے لوث خدمت کی ہے وہ ایک مثال ہے اوردیگر صوبوں کو بھی اس کی پیروی کرنی چاہیے۔

(جاری ہے)

وزیراعلیٰ شہبازشریف نے پنجاب میں نہ صرف امن وامان کی فضاء کو بہتر بنایا ہے بلکہ عوام کے معیار زندگی میں بھی اضافہ ہوا ہے ہم جب بھی پنجاب آتے ہیں تو یہاں کی ترقی دیکھ کر بہت خوشی ہوتی ہے اور وزیراعلیٰ شہبازشریف کے ترقیاتی ویژن سے صوبے کے عوام مستفید ہورہے ہیں ۔ہم چاہتے ہیں کہ جس طرح شہبازشریف فلاح عامہ کے پروگرامزکو معیار اوررفتار کے ساتھ آگے بڑھارہے ہیں اسی طرح دیگر صوبوں میں بھی کام ہو۔انہوںنے کہا کہ وزیراعلیٰ شہبازشریف نے عوامی خدمت کے نئے ریکارڈ قائم کیے ہیں اوریہی وجہ ہے کہ عوام آج ان سے محبت کرتے ہیں ۔

Facebook Twitter Google + Share on Whatsapp

شہبازشریف نے عوامی خدمت کے نئے ریکارڈ قائم کیے ہیں ،شیرازی برادران

متعلقہ عنوان :

مزید قومی خبریں