وزیراعظم کے داماد کیپٹن صفدر نے وزیراعظم ہاوس کیخلاف محاذ کھول دیا

محمد علی ہفتہ 19 نومبر 2016 21:56

اسلام آباد (اردو پوائنٹ تازہ ترین اخبار19نومبر۔2016ء ) وزیراعظم کے داماد کیپٹن صفدر نے وزیراعظم ہاوس کیخلاف محاذ کھول دیا ہے۔ تفصیلات کے مطابق وزیراعظم نواز شریف کی صاحبزادی مریم نواز کے شوہر کیپٹن ریٹائرڈ صفدر کی جانب سے قومی اسمبلی کے اجلاس میں وزیراعظم ہاوس کیخلاف شدید تنقید کی گئی۔

(جاری ہے)

کیپٹن ریٹائرڈ صفدر نے الزام عائد کیا ہے کہ وزیراعظم کے پرسنل سیکرٹری فواد حسن فواد سرکاری محکموں کی تقریوں میں میرٹ سے ہٹ کر کام کر رہے ہیں۔

فواد حسن فواد کی جانب سے گریڈ 20 سے اوپر کے سرکاری افسران کی تقرریوں میں من پسندی سے کام لیا جا رہا ہے جو ہرگز برداشت نہیں کیا جائے گا۔ کیپٹن ریٹائرڈ صفدر نے مطالبہ کیا ہے کہ سرکاری افسران کی تقرریوں کیلئے پارلیمنٹ کی ایک قائمہ کمیٹی قائم کی جائے۔